TRENDING:
तीवळ ज्याला फुटी कढी किंवा तांबडी कढी असंही म्हटलं जातं. हे एक पारंपारिक, आंबट-गोड-तिखट असं ड्रिंक आहे. माहितीनुसार कोकणात आणि विशेषत: गोवा आणि कारवार भागात हे पेय बनवलं जातं. हा सोलकढीचाच एक प्रकार जो खोबऱ्याच्या दुधाशिवाय बनवला जातो. आता यासाठी लागणारं साहित्य आणि ते कसं बनवायचं पाहुयात.
Idli Recipe : इडली बनवण्याची नवीन पद्धत; यासोबत सांबार, चटणी कशाचीच गरज नाही
advertisement
तीळवं बनवण्यासाठी लागणारं साहित्य
5-6 ताजे ओले कोकम किंवा आगळ
गुळाचा खडा किंवा साखर
एक-दोन हिरवी मिरची
एक लसूण पाकळी
एक लीटर पाणी
हिंग
मीठ
काळं मीठ
जिरं
मोहरी
कढीपत्ता
कोथिंबीर
बर्फाचे तुकडे
तीळवं कसं बनवायचं?
एका भांड्यात 5-6 ताजे ओले कोकम घ्या. त्यात गुळाचा एक खडा टाका. कोकमाऐवजी आगळ आणि गुळाऐवजी तुम्ही साखरही वापरू शकता. तिखटासाठी एक हिरवी मिरची मधे चिरून टाका. चवीनुसार मिरच्या वाढवू शकता. एक लसूण पाकळी ठेचून त्या टाका. आता यात एक लीटर पाणी ओतून त्यात पाव चमचा हिंग आणि चवीनुसार साधं मीठ टाकून ढवळून अर्धा तास झाकूण ठेवा.
अर्धा तासानंतर पाण्यातच जिन्नस कुस्करून घ्या. आता हे पाणी गाळून घ्या. याला तुम्ही जिरं, मोहरी, कढीपत्ताची तेलात फोडणी करूनही देऊ शकता. यात गरजेनुसार पाणी, बर्फाचे तुकडेआणि कोथिंबीर, काळं मीठ टाकून सर्व्ह करा.
तीळवं पिण्याचे फायदे
जेवणानंतर अॅसिडीटी किंवा पोट फुगल्याची समस्या असेल तर हे ड्रिंक प्या आराम पडेल. तसंच उन्हाळ्यातील उकाड्यापासून संरक्षण करून शरीराला थंडावा देण्यातही मदत करतं.