या उपक्रमाअंतर्गत मुंबईकरांना दर्जेदार तसेच स्वच्छतेची काळजी घेऊन बनवलेले उकडीचे आणि तळलेले मोदक घरपोच मिळणार आहेत. नागरिकांना या सुविधेचा लाभ घेता यावा यासाठी 21 ते 25 ऑगस्ट 2025 दरम्यान https://shgeshop.com या संकेतस्थळावर ऑनलाईन नोंदणीची सुविधा उपलब्ध करून देण्यात आली आहे. इच्छुकांनी याच कालावधीत आपली ऑर्डर नोंदवावी.
Aloovadi Recipe : घसा खवखवणार नाही, कांदा भज्जीसारखी सुरेख होईल अळूवडी, 6 सोप्या टीप्स
advertisement
ऑर्डर नोंदणी पूर्ण झाली की, 27 ऑगस्ट म्हणजे गणेश चतुर्थीच्या दिवशी ऑर्डरनुसार मोदक थेट घरी वितरित केले जातील. या अगोदर महिला बचत गटांनी गुढीपाडव्याच्या निमित्ताने 'पुरणपोळी महोत्सव' आयोजित केला होता. त्याला मिळालेल्या उदंड प्रतिसादाच्या पार्श्वभूमीवरच 'मोदक महोत्सव 2025' चं आयोजन करण्यात आलं आहे.
नियोजन विभागाच्या संचालक डॉ. प्राची जांभेकर यांनी या महोत्सवाची माहिती दिली. महिला बचत गटांना आर्थिकदृष्ट्या सक्षम बनवणे, स्वयंपूर्ण बनवणे आणि त्यांना व्यवसायाच्या नव्या संधी उपलब्ध करून देणे, हा उपक्रमाचा मुख्य हेतू आहे. बृहन्मुंबई महानगरपालिकेचे आयुक्त भूषण गगराणी आणि अतिरिक्त आयुक्त (पश्चिम उपनगरे) यांनी या गटांना नवनवीन उपक्रमांसाठी प्रोत्साहन दिलं आहे.
मुंबईतील महिला बचत गटांनी पारंपरिक पद्धतीने व प्रेमाने तयार केलेले मोदक गणेशभक्तांना निश्चितच आवडतील. त्यामुळे यंदाच्या गणेशोत्सवात बाप्पासाठी खास मोदक घरी मागवायचे असतील तर 'मोदक महोत्सव 2025'साठी वेळेत नोंदणी करावी, असं आवाहन करण्यात आलं आहे.