काळ्याभोर केसांसाठी नैसर्गिक उपाय म्हणजे तेल. वर्षानुवर्ष हे उपाय केले जातायत. एक सोपा, नैसर्गिक आणि स्वस्त उपाय म्हणजे मोहरीचं तेल.
प्राचीन काळापासून आजी - पणजी केसांसाठी नारळाचं तेल, बदामाचं तेल, मोहरीचं तेल वापरत आहेत. मोहरीच्या तेलातले अनेक घटक टाळूमधे रक्ताभिसरण वाढवतात आणि केसांच्या मुळांना पोषण देतात. यात काही औषधी वनस्पतीही मिसळल्या तर हे तेल आणखी परिणामकारक ठरतं.
advertisement
Smile Day : थोडं हसण्याचे मोठे फायदे, शरीर-मनासाठीचं सोपं औषध
हे तेल बनवण्यासाठी तुम्हाला सहा साध्या घटकांची आवश्यकता आहे. शंभर मिलीलीटर मोहरीचं तेल, दहा ग्रॅम अमरबेल, दहा ग्रॅम ओवा, दहा ग्रॅम मेथीचे दाणे, दहा ग्रॅम काळी मिरी, काही थेंब लव्हेंडर सुगंधी तेल.
प्रथम, मोहरीचं तेल गरम करा, त्यात अमरबेल घाला आणि ते काळे होईपर्यंत उकळा. नंतर, ओवा, मेथी आणि काळी मिरी घाला आणि चांगले परतून घ्या. थंड झाल्यावर, तेल गाळून घ्या आणि शेवटी, काही थेंब लव्हेंडर तेल घाला.
Asthma : भारतात वाढतायत दम्याचे रुग्ण, दम्यापासून दूर राहण्यासाठी आधीपासून घ्या काळजी
आठवड्यातून दोनदा हे तेल लावा. झोपण्यापूर्वी केसांना हलक्या हातानं मसाज करा आणि सकाळी सौम्य शाम्पूनं केस धुवा. काही आठवड्यांतच तुम्हाला फरक जाणवेल.. या तेलामुळे तुमचे केस लांब, मजबूत, मऊ आणि चमकदार होतील. या घरगुती मोहरीच्या तेलानं केसांना चांगली चमक येईल.