पुरुषांमध्ये शुक्राणूंची कमतरता असल्यास तो वडिल होऊ शकत नाही. 'माय उपचार' शी संबंधित डॉ. व्ही. के. राजलक्ष्मी यांच्या मते, शुक्राणूंची कमतरता म्हणजे सेक्स करताना पुरुषाच्या लिंगातून बाहेर पडणाऱ्या वीर्यमध्ये सामान्यापेक्षा कमी शुक्राणू असतात.
या स्थितीला वैद्यकीय भाषेत ऑलिगोस्पर्मिया म्हणतात. अशी परिस्थिती देखील उद्भवते जेव्हा शुक्राणू पूर्णपणे संपतात. याला अ‍ॅझोस्पर्मिया म्हणतात. एक मिलिलिटर वीर्यामध्ये 1.5 कोटी पर्यंत शुक्राणू असावेत. यापेक्षा कमी असल्यास उपचार करावे लागतात. शुक्राणू मोजण्यासाठी चाचण्या देखील केल्या जाऊ शकतात. शुक्राणूंची संख्या वाढवण्यासाठी अनेक घरगुती उपाय आहेत, ज्याचा अवलंब कोणत्याही दुष्परिणामाशिवाय करता येतो.
advertisement
नवऱ्यांनो, बायकोला या गोष्टी सांगू नका; आचार्य चाणक्य यांनी सांगितला सुखी संसाराचा मंत्र
शुक्राणूंची संख्या कमी होण्याची लक्षणं
जेव्हा पुरुषांमध्ये शुक्राणूंची संख्या कमी असते तेव्हा शरीराकडून संकेत मिळू लागतात. लैंगिक क्रियांमध्ये समस्या, पुरुषाच्या जननेंद्रियात सूज, गाठ, चेहऱ्यावरील केस कमी होणे ही हॉर्मोन्सच्या असामान्य स्थितीची लक्षणं आहेत. डॉ.व्ही.के.राजलक्ष्मी यांच्यानुसार, एखाद्या पुरुषाने इच्छा नसल्यामुळे एक वर्ष शारीरिक संबंध ठेवले नाहीत तर त्यांनी डॉक्टरांचा सल्ला घ्यावा. तसेच एक वर्ष शारीरिक संबंध ठेवूनही गर्भधारणा होत नसेल तर डॉक्टरांचा सल्ला घेऊन उपचार करावेत.
वंध्यत्व अन् नपुंसकत्व होणार दूर, या रोपाच्या मदतीनं पुरुष वाढवू शकतात आपली शक्ती
शुक्राणू वाढवण्यासाठी घरगुती उपाय
माय उपचारशी संबंधित डॉ. लक्ष्मीदत्त शुक्ला यांच्या मते, अश्वगंधा शुक्राणू वाढवण्यासाठी योग्य उपाय आहे. अर्धा चमचा अश्वगंधा पूड एक ग्लास दुधात मिसळून त्याचं नियमित सेवन करा. सुरुवातीला त्याचे दिवसातून दोनदा सेवन केलं तर चालेल.
या शिवाय अश्वगंधा मुळाचा रस तयार करून प्यावा. माका मूळ ही आणखी एक लोकप्रिय औषधी वनस्पती आहे जी हॉर्मोन्स संतुलित करण्यासाठी कार्य करते. दिवसातून दोनदा माका मुळांचं सेवन करणं फायदेशीर आहे. हे पाणी किंवा प्रोटिन शेक सोबतदेखील घेता येतं.
शुक्राणूंची संख्या वाढवण्यासाठी लसूण हा घरगुती उपायदेखील आहे. लसूण हे एक नैसर्गिक औषध आहे जे सेक्सची इच्छा वाढवतं. त्यात अ‍ॅलिसिन नावाचं संयुग असतं जे शुक्राणू वाढवतं. या शिवाय लसणात असलेले सेलेनियम शुक्राणूंची गतिशीलता सुधारण्यास मदत करतं.
लसणाच्या एक किंवा दोन पाकळ्या रोज खाव्यात. शक्य असल्यास कच्चा लसूण खा, या शिवाय शुक्राणू वाढवण्यासाठी पॅनॅक्स जिनसेंग हे आयुर्वेदिक औषध आहे. याला कोरियन जिनसेंग असेही म्हणतात. चीनमध्ये याचा उपयोग तणाव दूर करण्यासाठी केला जातो.
वायू प्रदूषणामुळे होऊ शकतो कॅन्सर? एम्सच्या डॉक्टरांनी सांगितल्या महत्त्वाच्या गोष्टी
शुक्राणू वाढवण्यासाठी आणखी एक घरगुती उपाय म्हणजे ग्रीन टी होय. ग्रीन टीमध्ये अँटिऑक्सिडंट असतात, जे शुक्राणूंच्या पेशींना होणारं नुकसान टाळतात. यामुळे शुक्राणूंची गुणवत्ता आणि गतिशीलता वाढते. या शिवाय शुक्राणूंची कमतरता टाळण्यासाठी अनेक घरगुती उपाय आहेत. अधिक ऑरगॅनिक उत्पादनं वापरा, व्हिटॅमिन सी, झिंक, सेलेनियम, फॉलिक अ‍ॅसिड आणि ओमेगा -3 फॅटी अ‍ॅसिड समृध्द अन्न घ्या व ताण घेऊ नका. तसंच पुरेशी झोप घ्या.