Air Pollution : वायू प्रदूषणामुळे होऊ शकतो कॅन्सर? एम्सच्या डॉक्टरांनी सांगितल्या महत्त्वाच्या गोष्टी

ANI शी बोलताना, डॉ. पीयूष रंजन (अतिरिक्त प्राध्यापक, औषध विभाग, एम्स) म्हणाले की, वायु प्रदूषण आणि विविध प्रकारचे कर्करोग यांच्यातील संबंध स्थापित करणारे वैज्ञानिक पुरावे आहेत. श्वसनसंस्थेला हानी पोहोचवण्याबरोबरच हृदयविकाराचा झटका, ब्रेन स्ट्रोक आणि संधिवात यांसारख्या कोरोनरी धमनी रोगांशी वायू प्रदूषणाचा थेट संबंध असल्याचेही ते म्हणाले.

तज्ज्ञाने मोठ्या प्रमाणावर आरोग्य आणीबाणीचा इशारा दिला असून गर्भावर होणाऱ्या दुष्परिणामांचा इशाराही दिला आहे. डॉक्टरांच्या म्हणण्यानुसार, वायू प्रदूषणामुळे मेंदू आणि हृदयाचे नुकसान होते आणि जर खबरदारी घेतली नाही तर सर्व वयोगटातील लोकांमध्ये चिंता निर्माण होऊ शकते.

दिल्लीतील हवेची गुणवत्ता सोमवारी सलग पाचव्या दिवशीही गंभीर राहिली आहे. आज सकाळी अनेक भागात एअर क्वालिटी इंडेक्स (AQI) 400 च्या पुढे गेला आहे. आज दिल्लीतील आरके पुरम येथे 466, ITO येथे 402, लोधी रोड येथे 388 AQI, सिरीफोर्ट येथे 436, पटपरगंज येथे 471 आणि न्यू मोती बाग येथे 488 एक्यूआय नोंदवले गेले आहे.

डॉक्टरांच्या मते, कोणत्याही निरोगी व्यक्तीसाठी शिफारस केलेला AQI 50 पेक्षा कमी असावा. परंतु आजकाल AQI 400 पेक्षा जास्त झाला आहे, जो फुफ्फुसाशी संबंधित आजारांनी ग्रस्त लोकांसाठी घातक ठरू शकतो आणि यामुळे फुफ्फुसाचा कर्करोग देखील होऊ शकतो.