वंध्यत्व अन् नपुंसकत्व होणार दूर, या रोपाच्या मदतीनं पुरुष वाढवू शकतात आपली शक्ती

उत्तराखंडच्या हल्द्वानी येथील वन अनुसंधान केंद्राचे वन क्षेत्राधिकारी मदन सिंह बिष्ट यांनी सांगितले की, अश्वगंधा ही एक प्राचीन आणि महत्त्वाची औषधी वनस्पती आहे. अनेक प्रक्रियांमध्ये अश्वगंधाचा उपयोग होतो. शरीराच्या प्रतिकारशक्तीला फायदा होण्याच्या क्षमतेमुळे, अश्वगंधाला भारतीय जिनसेंग असेही म्हणतात.

ते म्हणाले, अश्वगंधा एक प्राचीन आणि महत्वाची औषधी वनस्पती आहे. पुरुषांमधील वंध्यत्व आणि नपुंसकत्वाच्या समस्येवर मात करण्यासाठी अश्वगंधा एक उत्कृष्ट आयुर्वेदिक औषध असल्याचे सिद्ध होते, असेही त्यांनी सांगितले.

पुरुषांमध्ये शीघ्रपतन व्यतिरिक्त शुक्राणूंची संख्या कमी होण्याची समस्या देखील अनेकदा दिसून येते. ज्या लोकांना हा त्रास आहे, त्यांनी अश्वगंधाचे सेवन नक्की करायला हवे. अश्वगंधा रक्तदाबालाही नियंत्रित ठेवते. चिंताग्रस्त असतनाही त्यावर लढण्यासाठीही अश्वगंधा उपयुक्त आहे. याचे नियमित सेवन केल्यास मानसिक शक्ती वाढते.

अश्वगंधाच्या सेवनामुळे चांगली आणि गाढ झोप लागते. यामुळे पुरुषांच्या शरीरात टेस्टास्टरोनची वाढ होते. अश्वगंधा वनस्पतीचे मूळ पावडर आणि ताज्या स्वरूपातही उपलब्ध आहे.

अश्वगंधाचे तेल आणि कॅप्सूलही मिळते. यामुळे याचे सेवन करणे सोपे झाले आहे. अधिक प्रमाणात अश्वगंधाचे सेवन केल्याने त्याचा धोका तुम्हाला संभवू शकते. तसेच गर्भवती महिलांनी याचे सेवन करू नये.