Chanakya Niti - नवऱ्यांनो, बायकोला या गोष्टी सांगू नका; आचार्य चाणक्य यांनी सांगितला सुखी संसाराचा मंत्र

पती-पत्नीचं नातं पारदर्शक असावं असं म्हणतात. म्हणजे नवरा-बायकोने एकमेकांपासून काहीही लपवू नये. पण आचार्य चाणक्य यांच्या मते, काही गोष्टी आहेत ज्या पतीने चुकूनही पत्नीला सांगू नये. याचा उल्लेख चाणक्यनीतीमध्येही केला आहे.

आपली कमजोरी आपल्या जोडीदाराला कधीही सांगू नका. कारण याचा वापर ती तुमच्याविरोधात करू शकते. ती तिला हवं ते करून घेऊ शकते.

तुमचा अपमान झाला असल्यास त्याबाबतही पत्नीला सांगू नका. कारण भविष्यात अशी वेळ येईल जेव्हा ती तुम्हाला त्या अपमानाची आठवण करून देईल आणि तुम्हाला वाईटही बोलेल.

दान नेहमी गुप्त असावं, उजव्या हाताने दिलेलं डाव्या हातालाही समजू नये, असं म्हणतात. अगदी पत्नीलाही त्याबाबत सांगू नये. कारण हे तुमच्यातील वादाचं कारण ठरू शकतं.

तुम्ही किती पैसे कमवता, तुम्हाला किती पगार आहे हेसुद्धा पत्नीला सांगू नका. नाहीतर ती तुमच्या खर्चावर नियंत्रण आणेल. यामुळे तुम्हाला गरजेसाठीही खर्च करताना समस्या येईल. (सर्व फोटो प्रतीकात्मक)