बेगुसराय, 13 ऑक्टोबर : वेळेआधी प्रसूती ही डॉक्टरांसाठी प्रचंड आव्हानात्मक असते. तर, काही शास्त्रीय कारणांमुळे डॉक्टरांना महिलेची लवकर प्रसूती करावी लागते. परंतु प्रसूतीत महिलेने जुळ्या बाळांना जन्म दिला, तर आव्हान आणखी वाढतं. दोन्ही बाळांचा जीव वाचवणं काही प्रमाणात कठीण असतं. अशीच एक घटना बिहारच्या बेगुसरायमधून समोर आली आहे.
शहरातील एका खासगी रुग्णालयात सहा महिन्यांच्या गरोदर महिलेने जुळ्या बाळांना जन्म दिला. त्यापैकी एकाचं वजन 560 ग्रॅम, तर दुसऱ्याचं वजन होतं 850 ग्रॅम. त्यामुळे या निरागस बाळांच्या जगण्याची शक्यताही प्रचंड कमी होती. शेवटी ज्याची भीती होती, तेच झालं. आठवडाभरातच 850 ग्रॅम वजनाच्या बाळाने आपला जीव गमावला.
advertisement
World Egg day 2023 : अंडी खाण्याचे भरघोस फायदे माहितीयेत का? वाचा, Expert काय म्हणाले?
तर, 560 ग्रॅम वजनाच्या बाळाला आयसीयूमध्ये ठेवण्यात आलं. 55 दिवस डॉक्टरांनी त्याच्यावर उपचार केले आणि त्याचं वजन 1.05 किलोग्रॅम इतकं झालं. तज्ज्ञ डॉ. अरविंद कुमार यांनी सांगितलं की, एका बाळाला वाचवू शकलो, हेच मोठं भाग्य आहे. या बाळाच्याही जगण्याची आशा नव्हती, मात्र ते सुखरूप आणि सुदृढ आहे, हे पाहून त्याच्या पालकांच्या डोळ्यात आनंदाश्रू आले.
1 किलो तूपाची किंमत 2 लाख रुपये, जाणून घ्या काय आहे खास
दरम्यान, मिळालेल्या माहितीनुसार, विक्रमपूरचे रहिवासी संजीत कुमार पासवान यांची पत्नी नीतू या 6 महिने 2 दिवसांच्या गरोदर होत्या. त्यांनी जुळ्या मुलांना जन्म दिला. मुलांचं वजन जन्मतःच फार कमी असल्यामुळे त्यांच्यासह डॉक्टरही चिंतेत होते. आठवड्याभरातच एका मुलाला गमावल्यानंतर आई-वडिलांवर जणू दुःखाचा डोंगर कोसळला. परंतु एकाच्या दुःखातून सावरत नाहीत, तोच त्यांचं दुसरं बाळ मृत्यूशी झुंज देत होतं. हे बाळ धोक्याबाहेर आहे हे कळल्यानंतर कुठे त्यांच्या जीवात जीव आला.
लेटेस्ट बातम्या आणि व्हिडीओ पाहण्यासाठी न्यूज18 लोकमतच्या या अधिकृत व्हॉट्सअ‍ॅप चॅनलला करा फॉलो...या लिंकवर क्लिक करा https://whatsapp.com/channel/0029Va7W4sJI7BeETxLN6L0g