TRENDING:
अल्कोहोल किंवा दारूचे सेवन हे मानवी शरीरासाठी अत्यंत हानिकारक असून त्याचे गंभीर परिणाम आरोग्यावर होतात. अनेकदा सण-समारंभ किंवा आग्रहाखातर मद्यपान केले जाते, परंतु त्याचे दूरगामी परिणाम यकृत आणि मेंदूवर होत असल्याचे समोर आले आहे.
एकच प्याला..! महिलांनी दारू पिणं चांगलं की वाईट? पुरुषाच्या तुलनेत शरिरावर कसा होतो परिणाम?
कर्करोग आणि यकृताच्या आजारांचा धोका
advertisement
आरोग्य तज्ज्ञांनी दिलेल्या माहितीनुसार, अल्कोहोल हे ‘ग्रुप 1’ कार्सिनोजेनमध्ये मोडते. ज्याप्रमाणे तंबाखूमुळे कर्करोगाचा धोका असतो, तसाच धोका दारूमुळेही संभवतो. याशिवाय, सततच्या मद्यपानामुळे यकृताचे गंभीर आजार आणि चेतासंस्थेचे विकार जडण्याची शक्यता असते. यामुळे शरीराचा समतोल बिघडणे आणि हालचालींवर नियंत्रण न राहणे यांसारख्या समस्या उद्भवतात.
हँगओव्हरची लक्षणे आणि घरगुती उपाय
अति मद्यपानानंतर काही तासांनी शरीरात 'हँगओव्हर'ची लक्षणे दिसू लागतात. यात प्रामुख्याने डोकेदुखी, मळमळ आणि उलट्या होणे यांचा समावेश होतो. या त्रासातून आराम मिळवण्यासाठी तज्ज्ञांनी खालील उपाय सांगितले आहेत.
भरपूर पाणी प्या: दारूमुळे शरीरातील पाणी कमी होऊन डिहायड्रेशन होते, त्यामुळे पाणी पिणे अत्यंत गरजेचे आहे.
लिंबू आणि नारळ पाणी: शरीरातील क्षारांचे प्रमाण संतुलित ठेवण्यासाठी लिंबू पाणी किंवा नारळ पाण्याचे सेवन करावे.
विश्रांती: शरीराला पूर्वपदावर येण्यासाठी पुरेशी विश्रांती आणि झोप घेणे आवश्यक आहे.
संतुलित आहार: हँगओव्हरच्या स्थितीत सकस आणि संतुलित आहार घेण्यावर भर द्यावा.
काय टाळावे?
अनेकजण हँगओव्हर उतरवण्यासाठी पुन्हा अल्कोहोल घेण्याचा चुकीचा प्रयत्न करतात, मात्र असे करणे आरोग्यासाठी अधिक घातक ठरू शकते. जर उलट्या किंवा डिहायड्रेशनचा त्रास जास्त प्रमाणात होत असेल, तर घरगुती उपायांवर अवलंबून न राहता त्वरित वैद्यकीय मदत घेण्याचे आवाहन करण्यात आले आहे.