TRENDING:
14 वर्षांची अविरत सेवा...
मूळचे सोलापूर जिल्ह्यातील असलेले डॉ. गणेश राख यांनी सांगितले की, काही वर्षांपूर्वी मुलींचा जन्मदर मोठ्या प्रमाणात कमी होता. अनेक ठिकाणी मुलगी असल्याचे समजताच गर्भपात केल्याच्या घटना समोर येत होत्या. हॉस्पिटल सुरू केल्यानंतर त्यांना अनेक अनुभव आले. मुलगा जन्माला आला तर कुटुंबात आनंद साजरा केला जायचा आणि खुशीने बिलही दिले जायचे. मात्र मुलगी झाली तर आई आणि बाळाला भेटायलाही कुटुंबातील कोणी येत नसायचे. बिल देण्यासाठीही टाळाटाळ केली जायची. यातूनच त्यांच्या मनात एक कल्पना आली. कुटुंब जर मुलीच्या जन्माचे स्वागत करत नसेल, तर हॉस्पिटलच्या वतीने मुलीच्या जन्माचे जंगी स्वागत करायचे आणि एक रुपयाही फी घ्यायची नाही.
advertisement
मुलगी जन्माला आली की हॉस्पिटलमध्ये जंगी सेलिब्रेशन
डॉ. गणेश राख यांच्या हॉस्पिटलमध्ये ज्या दिवशी मुलगी जन्माला येते त्याच दिवशी हॉस्पिटलमधील सर्व कर्मचारी एकत्र येत मोठे सेलिब्रेशन करतात. मुलीच्या संपूर्ण कुटुंबियांचा छोटा सत्कार केला जातो. हॉस्पिटल देखील सजवण्यात येतं. कर्मचारी आणि मुलीचं कुटुंबीय मिळून केक कापण्यात येतो. त्यांच्या या कार्याविषयी त्यांना अनेक पुरस्कारांनी सन्मानित करण्यात आलंय.