TRENDING:
डॉ. अविनाश लांब यांनी सांगितले की, पुणे शहरात वेगाने आधुनिकीकरण होत आहे. शहरात वाहनांची संख्या खूप वाढली आहे. अनेक भागांत मोठ्या गृहप्रकल्पांची कामे सुरू आहेत. यामुळे शहरातील प्रदूषणाचा विळखा वाढत चालला आहे. हिवाळ्यात या प्रदूषणाचा त्रास अधिक जाणवतो. जानेवारी ते डिसेंबर 2025 या काळात पुण्यात विविध आजारांच्या रुग्णसंख्येत वाढ झाल्याचे दिसून आले आहे. श्वसनसंसर्ग आणि फ्लूसदृश आजारांचे 41,513 रुग्ण नोंदवले गेले आहेत. तीव्र अतिसाराचे 9,005 रुग्ण आढळले आहेत. तसेच विषाणूजन्य कावीळचे 133, टायफॉईडचे 212 आणि लेप्टोस्पायरोसिसचे 21 रुग्ण नोंदले गेले आहेत. कॉलऱ्याचा एक रुग्णही आढळून आला आहे.
advertisement
'रुग्ण गंभीर आहे, लवकर चला'; पुण्यातील डॉक्टर धावतच गेले, पण रस्त्यात भयंकर घडलं
काय काळजी घ्यावी?
डॉ. अविनाश लांब यांनी सांगितले की, घराबाहेर पडताना नेहमी मास्कचा वापर करावा. शक्य असल्यास सकाळी लवकर किंवा थंडीच्या वेळी घराबाहेर जाणे टाळावे. कोणालाही श्वसनाचा त्रास, खोकला, ताप किंवा इतर कोणतीही लक्षणे जाणवत असतील, तर त्यांनी तात्काळ डॉक्टरांचा सल्ला घ्यावा. हातांची स्वच्छता कायम राखावी. सार्वजनिक ठिकाणी थुंकणे टाळावे आणि स्वच्छतेचे नियम पाळावेत.