मुंबई: उन्हाळ्यात अचानक नाकातून भळाभळा रक्त वाहू लागले, अशा प्रकारचा अनुभव आपल्यापैकी अनेकांना आला असेल. नाकातून रक्त येणे म्हणजे नाकाचा घोळणा फुटणे होय. उन्हाळ्यात ही समस्या सहसा लहान मुलांमध्ये जास्त प्रमाणात दिसून येते. लहान मूल बाहेर उन्हात खेळतंय आणि अचानक त्याच्या नाकातून रक्त वाहू लागतं. म्हणजेच अधिक उष्णतेमुळे त्याचा घोळणा फुटतो. अशा परिस्थितीत घाबरून न जाता नेमकं काय करावं ? याबाबत मुंबईतील आहारतज्ज्ञ आरती भगत यांनी माहिती दिलीय.
advertisement
उन्हाळ्यात का फुटतो घोळणा?
उन्हाळ्यात उष्णतेमुळे घोळणा फुटण्याची समस्या अनेकांनी अनुभवली असेल. लहान मुलांमध्ये याचे प्रमाण अधिक असते. उष्णतेमुळे नाकातील पातळ त्वचा फाटली जाते. परिणामी नाकातून रक्त वाहायला सुरुवात होते. ही समस्या तात्पुरती असते. त्यामुळे या परिस्थितीत घाबरून जाण्याचे कारण नाही.
उन्हाळ्यात राहा एकदम फ्रेश, घरीच बनवा टरबूज आणि डाळिंबाचा ज्यूस, Video
डोक्यावर ओता थंड पाणी
घोळणा फुटला असेल तर सर्वप्रथम थंड पाणी डोक्यावर ओतावे. जेणेकरून रक्तस्त्राव त्वरित थांबण्यास मदत होते. पाणी ओतून किंवा थोडा वेळ नाकाची पुडी हाताने दाबून ठेवावी. तरी देखील रक्तस्त्राव थांबत नसेल तर जवळच्या डॉक्टरला लवकरात लवकर दाखवून घ्यावे.
उन्हाळ्यात फ्रीजमधील थंड फळे खाणं योग्य की अयोग्य? पाहा आहारतज्ज्ञांचा सल्ला
घोळणा फुटू नये म्हणून उपाय
उन्हाळ्यात आपल्या रोजच्या आहारात व्हिटॅमिन-सी असलेल्या पदार्थांचा जास्त समावेश केला पाहिजे. लहान मुलांना लिंबू सरबत, ऑरेंज, मोसंबी हे फळ जास्त प्रमाणात खायला द्यावीत. जेणे करून उन्हाळ्यात त्यांना उष्णतेचा कुठलाही त्रास होणार नाही. त्यासोबतच आहारात व्हिटॅमिन-के, पोटेशियम असलेल्या भाज्यांचा देखील समावेश करावा. कारण या पालेभाज्या खाल्याने लहान मुलांची आतली त्वचेची लेयर मजबूत बनते. त्यासोबतच नाकाची पातळ स्किन मजबूत ठेवण्यासाठी मूग, मटकी असे कडधान्य खावे. शेवटी उन्हाळ्यात भरपूर पाणी पिणे हा सर्व समस्यांवर एक रामबाण उपाय आहे, अशी माहिती आहारतज्ज्ञ आरती भगत यांनी दिली.