गूळ आणि साखर दोन्ही उसापासून बनवले जातात पण तरीही आजकाल अनेक सेलिब्रिटी आणि लोक यांचा गूळ खाण्याकडे जास्त कल आहे. याचं सर्वात मोठे कारण म्हणजे उसावर अनेक प्रक्रिया करून साखर तयार केली जाते. गुळाच्या बाबतीत असं नाही, गूळ नैसर्गिकरित्या बनवला जातो. म्हणूनच ते चांगलं मानलं जातं. पण गूळ आणि साखर यांच्यात हेल्दी काय? साखरेला गूळ पर्याय असू शकतो का? याबाबत छत्रपती संभाजीनगरच्या आहारतज्ज्ञ मंजू माथळकर यांनी लोकल18ला माहिती दिली आहे.
advertisement
Ghee vs. Butter : तूप की बटर, तुमच्या आरोग्यासाठी काय चांगलं?
साखर चांगली की गूळ?
साखरेमध्ये भरपूर कॅलरीज असतात, पण गुळामध्ये लोह आणि कॅल्शियम देखील असतं आणि ते शरीराला ऊर्जा देखील देतं. गूळ खाताना ते नैसर्गिक आहे की नाही आणि ते कसं बनवलं जातं हे पाहणं महत्त्वाचं आहे. साखरेपेक्षा चांगला असूनही गूळ जास्त प्रमाणात सेवन करू नये. जर तुम्ही जास्त प्रमाणात गूळ सेवन केलं तर ते तुमचं वजन वाढवू शकतं आणि मधुमेह देखील होऊ शकतं. यासोबतच, शरीरातील कॅलरीज देखील वाढू शकतात. म्हणून, मर्यादित प्रमाणात ते सेवन करणं महत्त्वाचं आहे.
Brown Rice Vs White Rice : ब्राऊन राइस की व्हाइट राइस, कोणत्या तांदळाचा भात आरोग्यासाठी चांगला?
मधुमेहींनी गूळ खावा का?
आहारतज्ज्ञ मंजू माथळकर म्हणाल्या की, मधुमेह असलेल्या लोकांनी साखरेप्रमाणेच गुळाचं सेवन करणं टाळावं. गूळ खाल्ल्याने मधुमेहाचा धोकाही वाढू शकतो. गुळाचं सेवन शरीरासाठी हानिकारक देखील असू शकतं. त्यामुळे मधुमेहींनीही गूळ टाळावा. तसंच, इतर लोकांनीही साखरेप्रमाणेच कमी प्रमाणात गूळाचं सेवन करावं. दरम्यान, साखरेपेक्षा गूळ खाणं नेहमीच चांगलं असतं, पण गूळ खाताना ते नैसर्गिक किंवा सेंद्रीय पद्धतीने बनवलेले आहे याची खात्री करा आणि ते मर्यादित प्रमाणात खा.