खराब होतं अक्षर म्हणून डॉक्टरांकडे गेला, समजलं झालाय खतरनाक आजार

हरयाणाच्या फरीदाबादमधील 38 वर्षांचा शिक्षक... दिव्यांशू गोयल असं शिक्षकाचं नाव. त्याची चाल मंदावत होती, त्याचं हस्ताक्षरही खराब झालं होतं, शरीराची आधीसारखी हालचाल होत नव्हती. सुरुवातीला त्याला वाटलं की थकव्यामुळे असेल. म्हणून त्याने फार लक्ष दिलं नाही. याकडे तो दुर्लक्ष करत गेला. पण नंतर परिस्थिती अधिक गंभीर झाली. तेव्हा त्याने डॉक्टरांकडे धाव घेतली.

advertisement

अजब प्रकरण! बाथरूमला गेला इंजिनीअर, बॉसने कर्मचाऱ्याला नोकरीवरूनच काढून टाकलं

अमृता हॉस्पिटलला तो गेला. जिथं त्याच्या काही टेस्ट करण्यात आल्या. न्यूरोलॉजिकल तपासणीत त्याला पार्किन्सन आजार असल्याचं निदान झालं. पार्किन्सन आजाराची ही सुरुवातीची लक्षणं होती. दिव्यांशू गोयल म्हणाले, "जेव्हा डॉक्टरांनी मला पार्किन्सन असल्याचं सांगितलं, तेव्हा खरं सांगायचं तर मला विश्वासच बसत नव्हता. मला वाटलं की हा आजार वृद्धांना होतो. मी 38 वर्षांचा आणि टेस्टचे परिणाम पाहून मला धक्काच बसला.

कमी वयातच होतोय वृद्धांचा आजार

हा आजार आतापर्यंत वृद्धांचा आजार समजला जात होता. पण या प्रकरणाने भारतीयांमध्ये या आजाराच्या विशिष्ट अनुवांशिक प्रवृत्तीबद्दल देखील प्रकाश टाकला आहे. या रुग्णाची तपासणी केली असता त्याच्या जीन पॅटर्नवरून हा आजार भारतीयांमध्ये लवकर होत असल्याचं दिसून आलं आहे. डॉक्टरांनी याबद्दल केवळ इशारा दिला नाही तर असा दावाही केला आहे की, संपूर्ण भारतीय उपखंडात पार्किन आणि बीएसएन सारख्या भारतीय जनुकांमध्ये पार्किन्सनची सुरुवातीची लक्षणं लवकर दिसून येतात.

अमृता हॉस्पिटलमधील न्यूरोलॉजी विभागाचे प्राध्यापक आणि स्ट्रोक मेडिसीनचे प्रमुख डॉ. संजय पांडे म्हणाले, "ही केस भारतात उद्भवणाऱ्या अशा अनेक प्रकरणांपैकी एक आहे, ज्यावरून असं दिसून येतं की पार्किन्सन आजार आता तरुणांमध्येही वाढत आहे. गोयलमधील ही लक्षणं पार्किन जनुकामुळे उद्भवली. पार्किन आणि एसएनसीएसारख्या जनुकांसह, नवीन भारतीय अभ्यास देखील बीएसएन जनुकाकडे निर्देश करतात, जो दक्षिण आशियाई लोकांमध्ये अधिक प्रचलित आहे"

Fish : हे मासे खाताना जपूनच! आहेत चविष्ट, पण बनवताना छोटी चूक आणि थेट मृत्यूच

"जीन पॅटर्नमधील हा बदल स्पष्ट करतो की 30 किंवा 40 च्या दशकातील लोक पार्किन्सनच्या सुरुवातीच्या लक्षणांना ताण किंवा थकवा म्हणून का दुर्लक्ष करतात. भारतासारख्या देशात जिथं आयुर्मान आणि न्यूरोडीजनरेटिव्ह विकार वाढत आहेत, तिथं दैनंदिन क्लिनिकल प्रॅक्टिसमध्ये अनुवांशिक ज्ञान समाविष्ट करणं अत्यंत महत्त्वाचं आहे", असं त्यांनी सांगितलं.

संशोधनाला दुजोरा

त्यांनी पुढे स्पष्ट केलं की त्यांचा अनुभव एका नवीन भारतीय अभ्यासाशी जुळतो जो पुष्टी करतो की पार्किन्सन रोग तरुणांमध्येही गुपचूप विकसित होत आहे. संशोधकांनी 674 तरुण रुग्णांची तपासणी केली आणि असं आढळून आलं की 50 वर्षांपेक्षा कमी वयाच्या भारतीयांमध्ये या आजाराचं सर्वात सामान्य कारण अनुवांशिक घटक आहेत.

या ट्रेंडवरील जागतिक संशोधन देखील या बदलाचं समर्थन करत आहे. नॉर्थवेस्टर्न युनिव्हर्सिटीच्या एका मोठ्या अभ्यासात अलीकडेच कमांडर जीन कॉम्प्लेक्सची ओळख पटली आहे, जो मेंदूच्या प्रथिने-पुनर्वापर प्रणालीमध्ये गुंतलेल्या जनुकांचा संच आहे. जेव्हा ही प्रक्रिया अयशस्वी होते, तेव्हा ती पार्किन्सनशी संबंधित मेंदूच्या पेशींना मारते. हा शोध आता लवकर ओळख आणि रोगाच्या प्रगतीवर आंतरराष्ट्रीय चर्चेला चालना देत आहे.

शिक्षकावर कसे झाले उपचार

रुग्ण शिक्षकाच्या उपचारांमध्ये लक्ष्यित औषधोपचार, फिजिओथेरपी, संतुलन प्रशिक्षण आणि भाषण थेरपी यांचा समावेश होता. नंतर त्याच्या हालचालींचं सिग्नल सुधारण्यासाठी त्याच्या मेंदूमध्ये विद्युत लीड्स घालण्याची प्रक्रिया करण्यात आली. या प्रक्रियेमुळे त्याला त्याची शारीरिक क्षमता परत मिळू शकली.

रुग्णावर एका महिन्याच्या आत उपचार करण्यात आले आणि त्याची लक्षणं नियंत्रणात आली. तो सध्या त्याच्या व्यावसायिक आणि वैयक्तिक दिनचर्येत परतला आहे.

त्याच्या बरं होण्यावरून असं दिसून येतं की पार्किन्सन आजाराचं लवकर निदान झाल्यास वेळेवर व्यवस्थापन आणि अधिक प्रभावी उपचार होऊ शकतात.