Hair Care : केस गळणं, वाढ खुंटण्यावर उपयुक्त, घरी तयार करु शकता दह्यापासून तयार केलेले हेअर मास्क

केसांच्या आरोग्यासाठी दह्याचे हेअरमास्क हा एक चांगला पर्याय आहे. दह्यातलं लॅक्टिक एसिड, प्रथिनं आणि जीवनसत्त्वं केसांच्या मुळांना पोषण देतात. यामुळे टाळू एक्सफोलिएट होतो, मृत त्वचेच्या पेशी आणि अशुद्धता काढून टाकली जाते. त्यामुळे, केस गळणं किंवा केसांची वाढ खुंटत असेल, तर दह्याचे पाच हेअर मास्क उपयुक्त ठरू शकतात.

दही आणि कढीपत्ता मास्क - कढीपत्त्यामधे बीटा-कॅरोटीन आणि प्रथिनं भरपूर प्रमाणात असतात, ज्यामुळे केस गळती रोखण्यास मदत होते. हा हेअर मास्क बनवण्यासाठी, अर्धा कप दह्यात मूठभर कढीपत्ता मिसळा. हे मिश्रण टाळूला लावा, तीस मिनिटं तसंच राहू द्या आणि नंतर सौम्य शाम्पूनं धुवा.

advertisement

Minimalism : फाफट पसारा वाढवू नका, आवश्यक आणि उपयुक्ततेला द्या महत्त्व, जाणून घेऊया मिनिमलिस्ट जीवनशैलीचं का वाढतंय महत्त्व

दही, मध आणि लिंबू - कोंड्यामुळे केस वाढण्यात अडथळा येत असेल, तर हे मिश्रण त्यासाठी सर्वोत्तम आहे. लिंबाचे बॅक्टेरियाच्या वाढीस प्रतिबंध करणारा पदार्थ गुणधर्म आणि मधातील ओलावा केसांना रेशमी बनवतो. एक वाटी दह्यात एक चमचा मध आणि अर्ध्या लिंबाचा रस मिसळा. केसांच्या मुळांना लावा आणि वीस मिनिटांनी स्वच्छ धुवा. हा मास्क टाळूच्या पीएच पातळीला संतुलित करतो.

दही आणि अंड्याचा मास्क - केस प्रामुख्यानं केराटिनपासून बनलेले असतात. अंडी आणि दही एकत्र केल्यानंं केसांपर्यंत प्रथिनं पोहचतात. हा मास्क तयार करण्यासाठी, एक अंडं फेटून त्यात दोन-तीन चमचे दही घाला. संपूर्ण केसांना लावा. तीस मिनिटांनी थंड पाण्यानं स्वच्छ धुवा. गरम पाणी टाळा, कारण अंड तुमच्या केसांना चिकटू शकतं. हा मास्क केस जाड करण्यासाठी उपयुक्त आहे.

दही आणि मेथीचे दाणे - मेथीमधे निकोटिनिक एसिड असतं, केसांची पुनर्वाढ करण्यासाठी याचा उपयोग होतो. रात्रभर भिजवलेल्या मेथीच्या दाण्यांची पेस्ट बनवा आणि दह्यात मिसळा. मिश्रण टाळूला लावा, हलक्या हातानं मालिश करा आणि पाऊण तासानं धुवा. यामुळे केस मुळांपासून मजबूत होतात.

Summer Care : उन्हाळ्यासाठी थंडगार फेस पॅक, ठंडा ठंडा कुल कुल फेसपॅकसाठी DIY टिप्स

दही आणि कोरफड - कोरडे आणि निर्जीव केसांमुळे अनेकदा केसांची वाढ थांबते. कोरफड, दह्यासोबत मिसळल्यानं टाळू हायड्रेट राहतो. कोरफडीचा ताजा गर अ‍ॅलोवेरा जेल दह्यामध्ये समान प्रमाणात मिसळा. ते केसांच्या लांबीला आणि मुळांना लावा. एक तासानंतर धुवा. यामुळे केसांमधील गुंतागुंत आणि केस तुटणं कमी होईल.

यापैकी कोणताही हेअर मास्क बनवण्यासाठी, नेहमी ताजं, साधं दही वापरा. आठवड्यातून किमान एकदा यापैकी कोणताही मास्क लावा. त्वचा संवेदनशील असेल, तर वापरण्यापूर्वी एक छोटी पॅच टेस्ट करा.