TRENDING:
मसाला ताकसाठी लागणारे साहित्य
एक ग्लास भरून ताक, बर्फाचे तुकडे, थोडीशी कोथिंबीर, पुदिन्याची पाने, चाट मसाला, जिरेपूड, अद्रकाचा तुकडा, मीठ, काळे मीठ एवढे साहित्य याकरिता लागणार आहे.
मसाला ताक कृती
सर्वप्रथम मिक्सरच्या जारमध्ये थोडीशी कोथिंबीर टाकून घ्यायची आहे. त्यामध्ये तीन-चार पुदिन्याची पाने टाकायची आहेत, अर्धा चमचा चाट मसाला, अर्धा चमचा जिरेपूड, थोडासा अद्रकाचा तुकडा, नंतर मीठ टाकायचे आहे, काळे मीठ टाकायचे आहे आणि दोन बर्फाचे तुकडे टाकून याची पेस्ट करून घ्यायची आहे. अशा पद्धतीने ताकाचा मसाला बनवून तयार होतो. आता आपण जे ग्लास भरून ताक घेतले आहे, त्यामध्ये साधारणपणे एक चमचा भरून हा मसाला टाकायचा आहे आणि एकत्र एकजीव करून घ्यायचे आहे. आणि वरून गार्निशिंगसाठी थोडासा चाट मसाला टाकायचा आहे. हवा असेल तर तुम्ही यामध्ये बर्फ देखील टाकू शकता.
advertisement
अशा सोप्या आणि झटपट पद्धतीने हे मसाला ताक बनवून तयार होते. तर तुम्ही देखील घरी नक्की ट्राय करा, तुम्हाला देखील खूपच आवडेल.