अळूच्या वडीसाठी साहित्य
अळूची वडी बनवण्यासाठी अगदी घरातीलच साहित्य आवश्यक असते. अळूची धुवून स्वच्छ केलेले पाने, तांदळाचे पीठ, भिजवलेले चणे, भिजवलेले मटकी आणि मूग, धनेपूड, जिरेपूड, तिखट, हळद, मीठ आणि कोथिंबीर या साहित्यात अळूवडी तयार होते.
तुम्ही जेवणातून कढीपत्ता काढून टाकता का? हे वाचल्यावर परत कधी असं करणार नाही! Video
advertisement
कशी बनवाल अळूची वडी?
सर्वप्रथम मिक्सरच्या पॉटमध्ये भिजवलेले चणे, भिजवलेले मूग आणि भिजवलेली मटकी बारीक करून घ्यायची आहे. या पेस्टमध्ये धने पूड, जिरे पूड, तिखट, हळद, मीठ आणि तांदळाचे पीठ एकत्र करून स्वच्छ धुऊन घेतलेल्या धोप्याच्या म्हणजेच अळूच्या पानांवर ही पेस्ट लावून घ्यायचे आहे. एकावर एक तीन असे तीन-चार पान ठेवून पाने फोल्ड करून घ्यायचे आहे. रोल झाल्यानंतर एका कढई किंवा गंजामध्ये 1-2 ग्लास पाणी घालून पाणी उकळायला ठेवावे. त्यानंतर त्या गंजावर किंवा कढईवर एक स्टीलची चाळणी ठेवावी. त्यावर हा फोल्ड केलेला अळूचा रोल ठेवावा. दहा ते पंधरा मिनिटे रोल वाफवून झाल्यानंतर रोल बाहेर काढून त्याचे काप करून घ्यायचे आहेत.
तव्यावर थोडं तेल घालून शॅलो फ्राय करून घ्यायचे. अनेक जणांना तेलात डीप फ्राय केलेले पदार्थ आवडत नाहीत किंवा ते खाणे टाळतात. अशांसाठी कमी तेलात शॅलो फ्राय केलेली ही अळूवडी अतिशय रुचकर, टेस्टी लागते. या वडीसाठी लागलेले सर्व साहित्य अगदी घरी सहज उपलब्ध असतील असे आहेत. त्यामुळे तुम्ही देखील ही रेसिपी नक्की ट्राय करून बघा.
विदर्भ स्टाईल पद्धतीनं बनवा कुरकुरीत आणि हेल्दी बिट्या; रेसिपी पाहा
दह्याचा करू शकता उपयोग
अनेकदा अळूची म्हणजेच धोप्याची पानं गळ्याला खाजतात म्हणून अनेक जण खात नाहीत. मात्र अळूची वडी किंवा अळूची भाजी बनवत असताना त्यात थोडे दही किंवा चिंचेचे पाणी घालावे. असे केल्याने धोपा खाल्ल्यावर गळ्याला सुटणारी खाज होत नाही. या व्हिडिओमध्ये वापरलेली पाने खाजत नाहीत. त्यामुळे त्यात दही किंवा चिंचेच्या पाण्याचा वापर केलेला नाही, असे रमा सोनगडे सांगतात.