Interesting Facts : जगात रोज सर्वात आधी सूर्योदय कुठे होतो? इथे अनुभवता येते सूर्यकिरणांचे अनोखे सौंदर्य

किरिबातीला कॅरोलिन बेटे असेही म्हणतात. कारण ते असे ठिकाण आहे जिथे दररोज सूर्याची पहिली किरणे पडतात. हे असे ठिकाण आहे जिथे सूर्याची किरणे प्रथम पृथ्वीचे चुंबन घेतात. येथे सूर्योदय पाहणे हा एक संस्मरणीय अनुभव आहे. किरिबातीमध्ये पृथ्वीवरील सर्वात जुने वेळ क्षेत्र म्हणजेच टाइम झोनदेखील आहे.

किरिबातीमधेच सर्वात आधी सूर्योदय का होतो?

advertisement

- पृथ्वीवर सर्वांत पहिल्यांदा सूर्याची किरणे पडतात, ती जागा इंटरनॅशनल डेट लाईनशी संबंधित आहे. ही 180° देशांतरावर असलेली एक काल्पनिक रेषा आहे, जी प्रशांत महासागरातून जाते. याच रेषेपासून एका नव्या दिवसाची सुरुवात मानली जाते. किरिबाती ही रेषा अत्यंत जवळ आणि योग्य दिशेने असल्याने तिथे सूर्य सर्वात आधी उगवतो.

- इंटरनॅशनल डेट लाईन ही सरळ रेषा नसून, अनेक ठिकाणी वक्र आहे. याचे कारण असे की एकाच देशातील वेगवेगळ्या बेटांना दोन वेगवेगळ्या दिवसांत विभागले जाऊ नये. 1995 मध्ये किरिबाती सरकारने ही रेषा पूर्वेकडे हलवली, ज्यामुळे त्यांच्या सर्व 33 बेटांना एकाच वेळेच्या पट्ट्यात आणले गेले. यामुळे किरिबातीच्या पूर्वेकडील बेटांना जगात पहिल्यांदा सूर्योदय पाहण्याचा मान मिळाला.

- आपली पृथ्वी पश्चिमेकडून पूर्वेकडे फिरते. त्यामुळे सूर्य पूर्वेकडून उगवतो असे आपल्याला दिसते. पृथ्वी सतत फिरत असल्यामुळे सूर्याची किरणे हळूहळू पृथ्वीच्या सर्व भागांवर पसरतात. वेळेप्रमाणे पूर्वेकडील देशांमध्ये प्रकाश आधी पोहोचतो.

- पृथ्वी स्वतःच्या अक्षावर 24 तासांत एक फेरी पूर्ण करते. त्यामुळे प्रत्येक प्रदेशात दिवस-रात्र होण्याची वेळ वेगळी असते. ज्या प्रदेशावर सूर्यकिरण आधी पडतात, त्याच ठिकाणी दिवसाची सुरुवात होते. किरिबाती हा सर्वात पुढील वेळेच्या पट्ट्यात येतो, त्यामुळे तिथे नवीन दिवसाचा पहिला क्षण अनुभवला जातो.

- किरिबातीची पूर्वेकडे पसरलेली बेटं, त्यांची अक्षांश देशांतरातील स्थिती आणि बदललेली इंटरनॅशनल डेट लाईन. या सगळ्यांच्या एकत्रित परिणामामुळे ही अनोखी भूगोलिक घटना घडते. म्हणूनच लाखो लोकांच्या कुतूहलाचा विषय म्हणजे “जगात सूर्य पहिल्यांदा कुठे उगवतो?”

- किरिबातीमध्ये सूर्योदय पहाणे ही एक अविस्मरणीय अनुभूती मानली जाते. जगभरातील पर्यटक तिथे फक्त पहिले सूर्यकिरण पाहण्यासाठीही जातात. त्यामुळे किरिबाती हा फक्त सूर्योदयाचा देश नाही तर पृथ्वीवरील वेळेच्या प्रवासाला दिशा देणारा एक अद्भुत भूगोलिक चमत्कार आहे.

Disclaimer : या बातमीत दिलेली माहिती आणि सल्ला तज्ञांशी झालेल्या संभाषणांवर आधारित आहे. ही सामान्य माहिती आहे, वैयक्तिक सल्ला नाही. म्हणून कोणत्याही सल्ल्याचे अनुसरण करताना तज्ज्ञांचा सल्ला घ्यावा. कोणतेही नुकसान झाल्यास त्यासाठी न्यूज-18 जबाबदार राहणार नाही.