चपलांचा ढिग का जमा झाला?
गणपती विसर्जन मिरवणुकीत प्रचंड गर्दी आणि ढकलाढकली होते. याच गोंधळात अनेक तरुण आणि तरुणांच्या पायातील चपला निसटून पडल्या. अनेकांना नाचण्याच्या नादात आपली चप्पल कुठे पडली, याचा पत्ताच लागला नाही. महापालिकेच्या कर्मचाऱ्यांनी तातडीने सफाई मोहीम राबवली तेव्हा हे चकित करणारे चित्र समोर आले.
महापालिकेच्या आरोग्य विभागाने या चपलांचे ढिग तातडीने उचलून घेतले. जवळपास दहा ट्रॉली इतका हा कचरा होता. आता या सर्व चपला कसबा बावडा येथील झूम प्रकल्पाजवळ जमा करून ठेवण्यात आल्या आहेत. या चपला घेऊन जाण्यासाठी महापालिकेने सिमेंट आणि साखर कारखान्यांशी संपर्क साधला आहे.
advertisement
प्रदूषण नियंत्रण मंडळाचे प्रमाणपत्र आवश्यक
सिमेंट कारखान्यांमध्ये सिमेंट तयार करण्यासाठी मोठ्या प्रमाणात ज्वलन प्रक्रिया केली जाते. चपला जास्त वेळ जळत राहतात, त्यामुळे, अनेक सिमेंट कंपन्यांना अशा वस्तूंनी गरज असते. मात्र, महापालिकेने या चपला केवळ त्याच कारखान्यांना देण्याचे ठरवले आहे, ज्यांच्याकडे प्रदूषण नियंत्रण मंडळाचे प्रमाणपत्र आहे. सहाय्यक आयुक्त कृष्णा पाटील यांनी सांगितले की, "येत्या चार दिवसांत या चपला गरजू कंपन्यांना दिल्या जातील."
हे ही वाचा : पितृपक्षात या 7 चुका अजिबात करू नका! अन्यथा पितृदोष होऊन भोगावे लागणार वाईट परिणाम
हे ही वाचा : PM Kisan योजनेच्या नियमांत मोठा बदल! शेतकऱ्यांमध्ये कुणाला मिळणार लाभ?