Video : ...अन् इंदोरीकर महाराजांच्या घरात शिरला बिबट्या; कुत्र्यालाही नेलं उचलून

घटनेबाबत अधिक माहिती अशी की, प्रसिद्ध किर्तनकार इंदोरीकर महाराज यांचं संगमनेर तालुक्यातील ओझर गावात घर आहे. या घरात चक्क बिबट्या घुसल्याची घटना घडली आहे. बिबट्यानं तिथे झोपलेलं एक कुत्रं देखील उचलून नेलं आहे. तुम्ही या व्हिडीओमध्ये पाहू शकता दोन कुत्रे झोपलेले आहेत. तेवढ्यात तिथे अचानक बिबट्या येतो, त्यापैकी एका कुत्र्यावर तो हल्ला करतो आणि त्याला आपल्या सोबत घेऊन जातो.

advertisement

ग्रामस्थांमध्ये दहशत 

गेल्या काही दिवसांपासून या परिसरात बिबट्याचे हल्ले वाढले आहेत. परिसरात बिबट्याचा वावर असल्यानं ग्रामस्थ दहशतीमध्ये आहेत. या बिबट्याचा लवकरात लवकर बंदोबस्त करण्यात यावा अशी मागणी नागरिकांनी वनविभागाकडे केली आहे.