अजित पवार नेहमी गुलाबी जॅकेट का घालतात? जाहीरनाम्यापूर्वी मोठा खुलासा

न्यूज १८ लोकमतला दिलेल्या विशेष मुलाखतीत गुलाबी जॅकेटवर बोलताना अजित पवार म्हणाले की,माझ्याकडे अनेक जॅकेट आहेत. पण सगळ्यांना हाच रंग आवडल्याने मी तोच रंग कायम ठेवला. त्यामागे असं काही खास कारण नाही. सगळ्यांना तो रंग आवडला, म्हणून तो पेहराव्यात आणल्याचे अजितदादांनी सांगितले. तसेच तो रंग गुलाबी नाही, जांभूळ खाल्ल्यानंतर बीचा जो रंग असतो, तो तसा रंग आहे, असे देखील अजित पवारांनी सांगितले.

advertisement

पवार कुटुंबातील फुटीवर काय म्हणाले?

पवार कुटुंबात पडलेल्या फुटीवर देखील अजित पवारांनी यावेळी प्रतिक्रिया दिली. पवार कुटुंबात फूट पडेल राजकारणामुळे असं मला कधीच वाटलं नव्हतं.पण १०० टक्के तसं झालं हे आपण उघड्या डोळ्यांनी पाहिलं. तसेच मी सूनेत्राला उभं करायला नको होतं. ती माझ्याकडून चूक झाली. हे मी १० वेळा सांगितलं आहे. पण आता विधानसभेला कुणी योग्य केलं की अयोग्य केलं हे आता जनताच ठरवेल, असे अजित पवारांनी सांगितले आहे.