TRENDING:
अवघ्या 12 सेकंदांत जिंकला पट
यंदाच्या वर्षी देखील लक्ष्मीने दमदार कामगिरी करत अवघ्या 12 सेकंदांत पट जिंकत आपले वर्चस्व कायम राखले. विशेष म्हणजे हा तिचा सलग तिसरा विजय ठरला. लक्ष्मीला लहानपणापासूनच शंकरपटाची आवड होती. आपणही एक दिवस पटात उतरायचं, हे तिचं स्वप्न होतं. 2020 मध्ये तिने पहिल्यांदा पट हाकला. सुरुवातीला वडिलांना मुलीबद्दल काळजी वाटत असल्याने त्यांनी विरोध केला होता. मात्र लक्ष्मीचा आत्मविश्वास, मेहनत आणि पराक्रम पाहून वडिलांनी तिच्या पाठीवर कौतुकाची थाप दिली. आज तेच वडील प्रत्येक स्पर्धेत लक्ष्मीच्या सोबत सावलीसारखे उभे असतात.
advertisement
पुण्याचा अमित झाला आम्रपाली, आता सगळे जण म्हणतात सप्तरंगी आई, काम पाहून कराल कौतुक!
शंकरपटातच नव्हे तर शेती, शिक्षण आणि घरगुती जबाबदारीतही लक्ष्मी अव्वल
शंकरपटातच नव्हे तर शेती, शिक्षण आणि घरगुती जबाबदाऱ्या यामध्येही लक्ष्मी अव्वल आहे. लक्ष्मी आणि प्रिया या दोन बहिणी असून त्यांना भाऊ नाही. त्यामुळे घरातील आणि शेतातील जबाबदाऱ्या या दोघी खंबीरपणे सांभाळतात. वडिलांना शेतकामात मदत करत कुटुंबाचा आधार बनल्या आहेत. भविष्यातही लक्ष्मीला आणखी मोठं यश मिळवायचं आहे. आई-वडिलांची स्वप्नं पूर्ण करण्याचा निर्धार तिने मनाशी केला आहे. लक्ष्मीचा हा प्रवास आज अनेक तरुणींसाठी प्रेरणास्थान ठरत असून, ग्रामीण भागातील महिलांमध्ये आत्मविश्वास आणि धाडस निर्माण करणारा आहे.