TRENDING:

शिवसेनेच्या ७ उमेदवारांचा चक्क भाजपाला पाठिंबा, बदलापुरात राजकीय चमत्कार, ठाकरे सेनेत दुफळी

Last Updated:

Badlapur Nagar Palika Election: बदलापुरात शिवसेना उद्धव बाळासाहेब ठाकरे पक्षाच्या ७ उमेदवारांनी आश्चर्यकारकरित्या भाजपला पाठिंबा दिला आहे.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
गणेश गायकवाड, प्रतिनिधी, बदलापूर : बदलापूर नगर परिषदेच्या निवडणुकीत एक राजकीय चमत्कार घडलाय. उद्धव ठाकरे गटाच्या ७ उमेदवारांनी चक्क भारतीय जनता पाठिंबा दिला आहे. महाविकास आघाडीचा नगराध्यक्षपदाचा उमेदवार योग्य नसल्याने भाजपाला पाठिंबा देत असल्याचे त्यांनी म्हटले आहे.
बदलापूर नगरपालिका निवडणूक
बदलापूर नगरपालिका निवडणूक
advertisement

राज्यात आणि केंद्रात भाजप आणि शिवसेना उद्धव ठाकरे गटामध्ये विस्तव जात नाही. मात्र असे असताना बदलापूर नगर परिषदेच्या निवडणुकीत उद्धव ठाकरे पक्षाच्या ७ उमेदवारांनी चक्क भाजपाला पाठिंबा जाहीर केलाय. भाजपच्या नगराध्यक्ष पदाच्या उमेदवार रुचिता घोरपडे यांना आपण पाठिंबा देत असल्याचे सेनेच्या उमेदवारांनी जाहीर केले आहे. त्यामुळे बदलापूर नगर परिषदेच्या निवडणुकीत मोठा उलटफेअर झालेला पाहायला मिळतोय.

advertisement

कोणकोणत्या उमेदवारांचा भाजपला पाठिंवा

कविता सकट, मंगेश इंगळे, रुपेश साळवी, प्रफुल्ल कांबळे, सुरेश शिंदे, वैभव सदाफुले, सुभाष शिंदे या शिवसेना ठाकरे गटाच्या उमेदवारांनी भारतीय जनता पक्षाचे नगराध्यक्षपदाच्या उमेदवाराला जाहीर पाठिंबा दिला आहे.

बदलापुरात भारतीय जनता पक्षाकडून रुचिता घोरपडे या नगराध्यक्ष पदाच्या उमेदवार आहेत. शिवसेना ठाकरे गटाच्या सात उमेदवारांनी त्यांना थेट जाहीरपणे पाठिंबा दिल्याने घोरपडे यांना मोठा फायदा होणार असल्याचे सांगितले जात आहे. बदलापुरात झालेल्या राजकीय उलटफेराने सगळेच आश्चर्य व्यक्त करीत आहेत.

advertisement

शिवसेनेत उघड उफाळला, भाजपला मदत करणाऱ्यांना मतदान करू नका, शहरप्रमुखांचे आवाहन

टॉप व्हिडीओज

सर्व पहा
Krushi Market: मक्याचे दर भुईसपाट! कांदा, सोयाबिनला रविवारी किती मिळाला भाव?
सर्व पहा

ठाकरे सेनेच्या उमेदवारांनी घेतलेल्या भूमिकेनंतर पक्षात वाद उफाळून आला आहे. उद्धव ठाकरे गटाने याबाबत संताप व्यक्त केला असून संबंधित उमेदवारांचा प्रचार आमचे शिवसैनिक करणार नाहीत, शिवाय मतदारांनी देखील या उमेदवारांना मतदान करू नये, असे रोखठोक आवाहन उद्धव ठाकरे गटाचे शहरप्रमुर किशोर पाटील यांनी केले आहे.

advertisement

मराठी बातम्या/महाराष्ट्र/
शिवसेनेच्या ७ उमेदवारांचा चक्क भाजपाला पाठिंबा, बदलापुरात राजकीय चमत्कार, ठाकरे सेनेत दुफळी
बातम्या
फोटो
व्हिडिओ
लोकल