TRENDING:
वसई विधानसभा क्षेत्रातील अनेक माजी नगरसेवकांनी तसेच पदाधिकाऱ्यांनी भारतीय जनता पक्षात प्रवेश केला. मुंबईतील भाजपच्या पक्ष कार्यालयात प्रवेशाचा कार्यक्रम पार पडला. स्नेहा दुबे पंडित यांच्या माध्यमातून हे प्रवेश पार पडले. भाजप प्रदेशाध्यक्ष रविंद्र चव्हाण पक्ष प्रवेशाला हजर होते.
बहुजन विकास आघाडीचे माजी नगरसेवक सरदार छोटू आनंद, सामाजिक कार्यकर्ते राजू इसाई, विशेष कार्यकारी अधिकारी सरदार रविंद्र सिंग आनंद, युथ काँग्रेसचे माजी सरचिटणीस करणदीप सिंग अरोरा, तसेच प्रतिष्ठित व्यावसायिक, माजी अधिकारी आणि विविध समाज घटकांतील अनेकांनी आज भारतीय जनता पक्षात जाहीर प्रवेश केला.
advertisement
रविंद्र चव्हाण यांनी भाजप प्रदेशाध्यक्षपदाची सूत्रे हातात घेतल्यानंतर प्रतिस्पर्धी पक्षाचील अनेक बड्या चेहऱ्यांनी भाजपमध्ये प्रवेश केले आहेत. स्थानिक पातळीवरील राजकीय समीकरणे लक्षात घेऊन भाजप नेतृत्वाने खालपर्यंत लक्ष घातले आहे. येणाऱ्या स्थानिक स्वराज्य संस्थांच्या निवडणुका तसेच महापालिका निवडणुका कोणत्याही परिस्थितीत जिंकायच्या, असा प्रण भाजपने केल्याने येत्या काळात पक्षप्रवेशाला रीघ लागलेली दिसेल तसेच फोडाफोडीच्या राजकारणात ऊत येईल, असे राजकीय जाणकार सांगतात.