TRENDING:
त्यानंतर एएसपींनी या प्रकरणाची चौकशी सुरू केली. मात्र दुसऱ्याच दिवशी या प्रकरणात नवा ट्विस्ट आला आहे. तक्रारदार सराफा व्यावसायिकाने आश्चर्यकारकपणे तक्रार मागे घेतली. आपण गैरसमजातून आणि रागाच्या भरात तक्रार दिल्याचं जबाब सराफा व्यापाऱ्याने म्हटलं आहे. २४ तासांत व्यापाऱ्याने तक्रार मागे घेतल्याने या मागचा अर्थ काय असा प्रश्न निर्माण झाला आहे.
advertisement
नेमकं प्रकरण काय?
मिळालेल्या माहितीनुसार, मुंबई येथील सराफा व्यापारी मयंक शांतीलाल जैन हे 24 नोव्हेंबर रोजी बीडला आले होते. रात्री उशीर झाल्याने ते बीड शहरातील विशाल लॉजवर मुक्कामासाठी थांबले होते. लॉजवर मुक्कामी असताना अचानक शिवाजीनगर पोलीस स्टेशनचे एपीआय गजानन क्षीरसागर आणि इतर पोलीस कर्मचारी त्यांच्या रूममध्ये दाखल झाले.
पोलिसांनी जैन यांच्याकडे असलेले सोने आणि मोबाईल ताब्यात घेऊन संपर्क बंद केला. दबाव टाकत सात लाख रुपयांची मागणी केली. पण जैन यांच्याकडे एवढे पैसे नव्हते. त्यामुळे आरोपी पोलिसांनी मेडिकलचे कारण सांगून बीडमधीलच दुसऱ्या एका व्यापाऱ्याकडून चार लाख रुपये मागवण्यास सांगितले. ते चार लाख रुपये रोख रक्कम गजानन क्षीरसागर यांनी घेतली. रात्रभर दुसऱ्या लॉजवर नेऊन डांबलं. पहाटेच्या वेळी आरोपींनी उर्वरित तीन लाख रुपये सकाळी बारा वाजेपर्यंत आणून दे, असे म्हणून सोडून दिलं. यानंतर जैन हे तातडीने पोलीस अधीक्षक कार्यालयात गेले आणि तक्रार दाखल केली. मात्र दुसऱ्याच दिवशी त्यांनी तक्रार मागे घेतली आहे.