सतीश मुंडे, मोहसीन पठाण आणि भागवत कांदे आणि एक तृतीयपंथी अलं गुन्हा दाखल झालेल्या चार आरोपींची नावं आहे. मिळालेल्या माहितीनुसार, २० वर्षीय पीडित तरुणी ही मूळची हैदराबादची आहे. ती मुंबईत घरगुती साफसफाईचं काम करत आपला उदरनिर्वाह चालवत होती. घटनेच्या दिवशी ती मुंबईहून हैदराबादला आपल्या गावी जात होती. रेल्वेने प्रवास करत असताना भूक लागल्याने ती परळी रेल्वे स्टेशनवर उतरली. एका हॉटेलमध्ये जेवण करत असताना तिची ओळख तृतीयपंथी पूजा गुट्टे हिच्याशी झाली. पूजाने तिच्याशी बोलून तिच्या अडचणी जाणून घेतल्या आणि तिला चांगल्या कामाचे आमिष दाखवले. त्यानंतर, पूजाने तिचे साथीदार सतीश अण्णासाहेब मुंडे (रा. डाबी, ता. परळी) आणि मोहसीन सरदार पठाण (रा. शिवाजीनगर, परळी) यांना बोलावले.
advertisement
त्यानंतर हे तिघे तरुणीला दुचाकीवरून अस्वलआंबा येथील भागवत अंगद कांदे या चौथ्या साथीदाराकडे घेऊन गेले. तिथे एका खोलीत नेऊन त्यांनी तरुणीला मारहाण केली आणि त्यानंतर तिच्यावर सामूहिक अत्याचार केला. शनिवारी पहाटे एका नागरिकाने डायल ११२ वर पोलिसांना या घटनेची माहिती दिली. माहिती मिळताच पोलिसांनी तत्काळ अस्वलआंबा येथे धाव घेतली आणि पीडित तरुणीची सुटका केली.
मात्र पोलिसांना पाहताच तृतीयपंथी पूजा गुट्टेने घटनास्थळावरून पळ काढला. मात्र, पोलिसांनी सतीश मुंडे, मोहसीन पठाण आणि भागवत कांदे यांना तत्काळ ताब्यात घेतले. अंबाजोगाई ग्रामीण पोलिस ठाण्यात या चौघांविरोधात गुन्हा दाखल करण्यात आला असून, फरार आरोपी पूजा गुट्टेचा शोध पोलीस घेत आहेत. या घटनेमुळे परळी तालुक्यात खळबळ उडाली आहे.