TRENDING:
व्याजाने दिलेल्या पैशाच्या वसुलीसाठी अपहरण करत चटके देण्याची धमकी दिली आहे. त्या धमकीला घाबरून पाटोद्यात व्यापाऱ्याने गळफास घेत आत्महत्या केली आहे. या प्रकरणी दोघांच्या विरोधात गुन्हा दाखल केला असून दोन्ही आरोपी फरार आहेत. यानंतर कुटुंबीयांनी जीवाला धोका होण्याची भीती व्यक्त केली.
आरोपी अटक न झाल्यास कुटुंबीयांच्या जीवाला धोका
बीडच्या पाटोदा येथील व्यापारी संजय कांकरिया यांनी गळफास घेऊन आत्महत्या केली. यावेळी त्यांच्या गाडीच्या बॅगमध्ये सुसाईड नोट आढळली असून यामध्ये दोघा जणांना व्याजाने दिलेले पैसे परत दे म्हणून उचलून नेऊन चटके देण्याची धमकी दिली होती. वारंवार होणाऱ्या या त्रासामुळे आत्महत्या करत असल्याचे त्यांनी या सुसाईड नोटमध्ये म्हटले आहे. आता या प्रकरणात पाटोदा पोलीस ठाण्यात अमृत भोसले व दीपक साळुंखे यांच्या विरोधात गुन्हा दाखल करण्यात आला असून हे दोघेही फरार आहेत तर दुसरीकडे या आरोपींना तात्काळ अटक करावी अशी मागणी कुटुंबीयांनी केली असून हे आरोपी अटक न झाल्यास कुटुंबीयांच्या देखील जीवाला धोका असल्याचे म्हटले आहे.
advertisement
गावातील तरुणाला मारहाण करताना व्हिडिओ का काढला?
बीड तालुक्यातील आहेर वडगाव येथून आणखी एक मारहाणीचा व्हिडिओ समोर आलाय.. जुन्या भांडणातून आनंद शिंदे आणि त्याच्या साथीदारांकडून गावातील जयराम तावरे नामक तरुणाला मारहाण सुरू होती.. या मारहाणीचा व्हिडिओ का काढलास? असा जाब विचारत कृष्णा रोहिटे या तरुणाला देखील मारहाण झाली.. सध्या जिल्हा रुग्णालयात कृष्णावर उपचार सुरू आहेत..