नेमकं काय घडलं?
परळी शहरातील बरकत नगर येथे ही घटना घडली. दोन मुख्य आरोपींनी अल्पवयीन मुलीला एकटं पाहून तिच्यावर लैंगिक अत्याचार केले. या गंभीर गुन्ह्यामध्ये आणखी दोघांनी त्यांना मदत केल्याचा आरोपही पीडितेच्या तक्रारीत नमूद आहे. या घटनेनंतर परळीती संभाजीनगर पोलीस ठाण्यात तक्रार दाखल केली आहे. या तक्रारीनंतर पोलिसांनी तत्काळ दखल घेत चार आरोपींविरोधात पोक्सो (POCSO) कायद्यांतर्गत गुन्हा दाखल केला आहे.
advertisement
आठ दिवसांत दुसरी घटना
विशेष म्हणजे आठ दिवसांपूर्वीच परळी रेल्वे स्थानक परिसरात अशाच प्रकारे एका बालिकेवर अत्याचार झाला होता. एका नराधमाने परळी रेल्वेस्थानक परिसरात आईच्या शेजारी खेळणाऱ्या मुलीला उचलून घेऊन जात तिच्यावर अत्याचार केला होता. ही घटना उघडकीस आल्यानंतर सीसीटीव्ही कॅमेऱ्यांच्या मदतीने पोलिसांनी आरोपीची ओळख पटवली होती.
या घटनेनंतर परळीत संतापाची लाट उमटली होती. या प्रकरणी एक दिवसासाठी परळी बंदची घोषणा देखील करण्यात आली होती. ही घटना ताजी असताना आता बरकतनगरमध्ये एका १२ वर्षांच्या मुलीवर दोघांनी अमानुषतेचा कळस गाठला आहे. याप्रकरणी पोलिसांनी गुन्हा दाखल केला असून नराधम आरोपींचा शोध घेतला जात आहे.