TRENDING:
नेत्र विभागातील डॉक्टरांनी परिस्थितीचे गांभीर्य ओळखत तातडीने शस्त्रक्रिया केली. करण्यात आलेल्या या यशस्वी शस्त्रक्रियेमुळे दोन्ही चिमुकलींची दृष्टी वाचवण्यात डॉक्टरांना यश आले. वेळीच मिळालेल्या वैद्यकीय उपचारांमुळे दोन लहान जीवांचे भवितव्य अंधारात जाण्यापासून वाचले.
पुण्यातील विहिरीत भयंकर दिसलं, तपासाची चक्रे फिरली अन् कांड समोर, ‘तो’ पोलिसच गुन्हेगार!
पहिल्या घटनेत मिसारवाडी येथील रहिवासी असलेल्या 5 वर्षीय मुलीच्या डोळ्यात खेळताना जमिनीवर पडलेली लोखंडी तार थेट डोळ्यात शिरली. त्यामुळे बुब्बुळाला गंभीर जखम झाली. या मुलीवर तातडीच्या शस्त्रक्रियेची आवश्यकता असल्याने वेळेशी शर्यत होती.
advertisement
दुसऱ्या घटनेत शेंदूरवादा येथे चिंचेच्या झाडाखाली 5 वर्षीय चिमुकली खेळत होती. त्याच वेळी चिंच झाडावरून पडल्याने मुलीच्या डोळ्याला जोरदार दुखापत झाली. तपासणीमध्ये डोळ्यात लाकडी काडी अडकलेली असल्याचे आढळले. ही काडी अत्यंत नाजूक ठिकाणी अडकलेली असल्याने कोणतीही चूक मुलाच्या डोळ्याला कायमची दुखापत करू शकत होती. तातडीने शस्त्रक्रिया करून ती काडी काढली.
या दोन्ही रुग्णांवर अधिष्ठाता डॉ. शिवाजी सुक्रे यांच्या मार्गदर्शनाखाली नेत्रविभाग प्रमुख डॉ. अर्चना वरे, डॉ. तपनजक्कल, डॉ. वेणूकुमार रंगू यांच्या सहकार्याने कॉर्नियातज्ज्ञ डॉ. महेश सोनपेठकर यांनी शस्त्रक्रिया केली. भूलशास्त्र विभागप्रमुख डॉ. गायत्री तडवळकर यांच्या मार्गदर्शनाखाली डॉ. गणेश निकम, डॉ. आमेर सय्यद, डॉ. नियती सेठी, डॉ. आकाश यांनी सहकार्य केले. स्टाफ नर्स कालिंदी इधाटे, विकास गायकवाड आदींचेही योगदान आहे.