TRENDING:
मिळालेल्या माहितीनुसार, डॉ. विश्वास हे पालोद येथून काही कामानिमित्त सिल्लोडकडे त्यांच्या स्कूटी (क्र. एमएच 20 एफई 3284) वरून येत होते. दरम्यान, डोंगरगाव फाट्याजवळ सिल्लोडहून डोंगरगावकडे भरधाव वेगाने जाणाऱ्या बोलेरो पिकअप (क्र. एमएच 48 बीएम 2956) ने त्यांच्या स्कूटीला जबर धडक दिली. धडक इतकी तीव्र होती की पिकअपने स्कूटीला तब्बल 100 फूट फरफटत नेले. या भीषण अपघातात डॉ. विश्वास यांचा घटनास्थळीच मृत्यू झाला.
advertisement
डिसेंबरमध्ये कोर्ट मॅरेज आणि मार्चमध्ये प्रेमविवाहाचा भयानक The End, छ. संभाजीनगर हादरलं!
घटनेची माहिती मिळताच शहर पोलीस ठाण्याचे पोलीस निरीक्षक शेषराव उदार यांनी तत्काळ घटनास्थळी धाव घेत पंचनामा व पुढील कार्यवाही सुरू केली. या घटनेत अधिक वेदनादायक बाब म्हणजे, त्याच दिवशी सकाळी पालोद येथे झालेल्या एका अंत्यविधी कार्यक्रमात डॉ. विश्वास यांनी उपस्थित राहून श्रद्धांजलीपर शब्द व्यक्त केले होते. मात्र काही तासांतच दुपारी सिल्लोडकडे येत असताना काळाने त्यांच्यावर झडप घातली. या घटनेमुळे पालोद गावात शोककळा पसरली आहे.
डॉ. विश्वास पालोदकर हे नेहमी हेल्मेटचा वापर करत असत. मात्र मंगळवारी पालोदहून सिल्लोडकडे येताना त्यांनी हेल्मेट परिधान केले नव्हते, अशी माहिती समोर आली आहे. अपघातानंतर काही प्रत्यक्षदर्शींनी सांगितले की, त्यांनी हेल्मेट घातले असते तर कदाचित त्यांचा जीव वाचू शकला असता.