TRENDING:
चंद्रकला ऊर्फ चंदाबाई शेषराव पवार (52), ध्रुपदा सुभाष मोहिते (55) आणि मुनीर खान हयात खान (45) अशी अटक करण्यात आलेल्या आरोपींची नावे आहेत. जिल्ह्यात अमली पदार्थांची तस्करी रोखण्यासाठी पोलिस अधीक्षक डॉ. विनयकुमार राठोड यांच्या मार्गदर्शनाखाली एनडीपीएस पथक सतर्क झाले आहे.
भाडेकरू गाळा सोडेना; तणावात आजी गेली, संतापलेल्या नातवंडांनी केलं असं, पोलिसही चक्रावले
advertisement
करमाड परिसरातील कुंभेफळ शिवारात असलेल्या एका कापडी झोपडीत दोन महिला गांजा विक्री करत असल्याची गोपनीय माहिती सहायक पोलिस निरीक्षक दिनकर गोरे यांना मिळाली. करमाड पोलिस ठाण्याचे निरीक्षक सम्राटसिंग राजपूत यांच्या मदतीने छापा टाकण्यात आला. या वेळी महिलांच्या ताब्यातून 21 किलो 495 ग्रॅम गांजा आढळून आला.
चौकशीत काही वेळापूर्वीच मुनीर खान हा गांजा खरेदी करून विक्रीसाठी गेल्याची माहिती मिळाल्यानंतर पोलिसांनी शेकटा परिसरात त्याला ताब्यात घेतले. त्याच्याकडून उर्वरित गांजाही जप्त करण्यात आला. ही कारवाई उपनिरीक्षक दिलीप चौरे, सहायक फौजदार विक्रम देशमुख, अंमलदार वाल्मीक निकम, श्रीमंत भालेराव, सोपान डकले, श्याम ढवळे, शकुल बनकर, राहुल पगारे, गणेश खरात आणि सरला कदम यांच्या पथकाने केली.
चंद्रकला मूळ सिल्लोडची, ध्रुपदा बुलढाणा जिल्ह्यातील अंबेटाकळीची असून मुनीर खान हा कामानिमित्त राज्यभर फिरत असतो. रेल्वेत बांगड्या व किरकोळ वस्तू विकण्याच्या निमित्ताने त्यांनी गांजाच्या तस्करीकडे वळल्याचे तपासात निष्पन्न झाले आहे. विशाखापट्टणमहून गांजा खरेदी करून तो जिल्ह्यात विकला जात होता. ध्रुपदा हिच्यावर यापूर्वी 2022 मध्ये मेहकर पोलिस ठाण्यात अमली पदार्थ विक्रीचा गुन्हा दाखल आहे.