TRENDING:
महाशिवरात्रीच्या पार्श्वभूमीवर दि. 14 ते 19 फेब्रुवारी या कालावधीत धुळे-सोलापूर महामार्गावरील वाहतुकीसाठी तात्पुरते मार्गबदल लागू करण्यात आले आहेत. या संदर्भातील आदेश पोलीस अधीक्षक डॉ. विनयकुमार राठोड यांनी निर्गमित केले असून, संबंधित विभागांना आवश्यक सूचना देण्यात आल्या आहेत. या निर्णयामुळे वेरूळ व खुलताबाद परिसरातील वाहतूक सुरळीत ठेवण्याचा प्रशासनाचा प्रयत्न आहे.
महाराज वनौषधी शोधायला डोंगरात गेले, पाय घसरला अन्..., छ. संभाजीनगरात हळहळ
advertisement
मार्गात कोणते बदल?
कन्नड, वेरूळ व खुलताबाद मार्गे छत्रपती संभाजीनगरकडे येणाऱ्या वाहनांना आता कसाबखेड फाटा, वरझडी, माळीवाडा आणि शरनापूर फाटा या मार्गाने प्रवास करावा लागणार आहे. तसेच छत्रपती संभाजीनगरहून कन्नडकडे जाणारी वाहने शरनापूर फाटा, माळीवाडा, वरझडी व कसाबखेड फाटा मार्गे वेरूळकडे वळवण्यात आली आहेत. यामुळे मुख्य महामार्गावरील ताण कमी होण्यास मदत होणार आहे.
याशिवाय फुलंब्री व सुलतानपूर मार्गे कन्नडकडे जाणाऱ्या वाहनांसाठीही स्वतंत्र पर्यायी मार्ग निश्चित करण्यात आला आहे. या सर्व मार्गबदलांमुळे भाविकांची सुरक्षितता राखण्यासोबतच आपत्कालीन सेवांना अडथळा निर्माण होणार नाही, याची दक्षता घेण्यात आली आहे. नागरिकांनी आणि वाहनचालकांनी प्रशासनाच्या सूचनांचे पालन करून दिलेल्या पर्यायी मार्गांचा वापर करावा, असे आवाहन पोलीस प्रशासनाकडून करण्यात आले.