TRENDING:
विधानसभा निवडणकीच्या अनुषंगाने सध्या तपासणी मोहीम राबविण्यात येत आहे. या दरम्यान रेमंड चौकात स्थानिक गुन्हे शाखा व एमआयडीसी पोलिस नाकाबंदी करीत असताना पुणे येथून जळगावात येणाऱ्या वाहनातून चार किलो सोने व 34 किलो चांदी आढळली होती. या सोन्या चांदीची किंमत 5 कोटी 59 लाख 61 हजार आहे. रेमंड चौफुलीवर स्थानिक गुन्हे शाखा व एमआयडीसी पोलिसांनी ही कारवाई केली. जळगाव शहरातील सुवर्ण व्यावसायिकासह तीन सराफ व्यावसायिकांचे हे सोने-चांदी असल्याची माहिती आहे. पोलिसांनी हा सोन्या चांदीचा साठा जप्त करून कोषागार कार्यालयात पाठविला आहे.
advertisement
जळगावातील सुवर्ण व्यावसायिकासह अन्य दोन असे एकूण तीन सुवर्ण व्यावसायिकांचे हे सोने-चांदी असल्याचे सांगण्यात येत आहे. जप्त केलेल्या मालाचे कागदपत्र वाहन चालकाकडे होते. मात्र त्यात इतर आवश्यक कागदपत्रे नसल्याने पोलिसांच्या पथकाने पंचनामा करून हा साठा जप्त केला. हे सोने पोलिसांनी ट्रेझरीमध्ये जमा केले असून आयकर विभाग आणि निवडणूक आयोगाच्या वतीने कागद पत्रांची पडताळली केली जात असल्याच पोलिस सुत्रांनी म्हटल आहे. तर सोने व्यावसायिकाने ही नियमित रित्या व्यवहारातील सोने असून त्याची कागदपत्र पोलिसांना देण्यात आली असल्याचं सोने व्यवसायीकांनी सांगितले आहे.