TRENDING:
मी सत्तेसाठी कोणाचाही हाजी आजी करणारा माणूस नाही. मी कोणाच्याही मागे फोटो काढणारा माणूस नाही. पुढे जाऊन मी संकट मोचक आहे असं सांगून पुढे पुढे करणारा माणूस मी नाही. स्वाभिमानाने जगलो, स्वाभिमानाने जगेल. सत्तेत जायचं असतं तर कधीच गेलो असतो असे म्हणत एकनाथ खडसे यांनी गिरीश महाजन यांच्यावर निशाणा साधला.
advertisement
नागपुरात पुराने कोट्यवधींचे नुकसान, पंचनामे सुरू; लवकर मदत मिळण्याची शक्यता
गिरीश महाजन यांच्यासारखं कोणालाही पुढे आणलं नसतं. आम्ही यांना केव्हाच मागे सारलं असतं. मात्र माझ्या तत्वात तुम्हाला माहिती कोण कोणाच्या मागे फिरत असतो फोटोसाठी फिरत असतो. मला अशी गरज नाही असं म्हणत एकनाथ खडसे यांनी गिरीश महाजन यांच्यावर टीका केली आहे.
अजित दादांनी जाहीर करावं की मी त्यांच्याकडे आलो आहे. मला भाजपावाले ही आग्रह करतात. बावनकुळे साहेबांनी उघड सांगितले तरी मी गेलो नाही तर मी अजित पवारांकडे कसं जाणार? असा प्रश्न उपस्थित करत एकनाथ खडसे यांनी गिरीश महाजन यांना प्रत्युत्तर दिला आहे.
मंत्री गिरीश महाजन यांनी एकनाथ खडसे हे आमच्याकडे येण्यासाठी आग्रही असून खडसे अजित पवारांना बोलले, हे मला माहीत आहे. खडसेंनी शरद पवारांना घट्ट पकडून राहावं असं वक्तव्य केलं होतं. या वक्तव्यावर आमदार एकनाथ खडसे यांनी स्पष्टीकरण देत गिरीश महाजन यांना प्रत्युत्तर दिलं आहे.