कशी घडली घटना?
शोभा रमेश पाटील (वय 60) असे मृत महिलेचे नाव आहे. जळगावातील मेहरुण परिसरात अत्यंत अरुंद रस्ता असलेल्या मंगलपुरी भागात आज गुरुवारी सायंकाळी काही महिला गप्पा मारीत आपल्या घरासमोर उभ्या होत्या. तर एक महिला रस्त्यावरुन जात होती. त्याचवेळी सायंकाळी साडेसहा वाजता रामेश्वर कॉलनीकडून एक भरधाव कार (एम.एच.05 ए.एस 0574) रस्त्याने भरधाव आली. (केसीएन) कारवर चालकाचे कुठलेही नियंत्रण नसल्याने कारने घरासमोर उभ्या असलेल्या या महिलांना धडक देत उडविले. ही धडक इतकी भीषण होती की, त्यात दुध घेण्यासाठी जात असलेल्या शोभा रमेश पाटील यांना गंभीर दुखापत होवू त्यांचा जागीच मृत्यू झाला.
advertisement
त्यांच्यासोबत असलेल्या संगीता प्रकाश महाजन (वय 48), जयश्री जगदीश राऊत (वय 30), सुमनबाई साहेबराव पाटील (वय 65), अर्चना पाटील (वय 40) या जखमी झाल्या. तर दोन लहान मुलं देखील जखमी झाल्याची माहिती मिळाली. एका महिलेच्या हातात असलेल्या चिमुकल्या बाळाला देखील मार लागला. या घटनेमुळे परिसरातील लोक जमा होवून त्यांनी तात्काळ जवळच्या खाजगी रुग्णालयात दाखल केले. जखमी महिलांपैकी एकीचे पती प्रकाश महाजन यांनी जखमींना अपघातग्रस्त कार मध्येच टाकून शासकीय वैद्यकीय महाविद्यालय व रुग्णालयात आणले. तेथे तातडीने उपचार सुरु करण्यात आले.
वाचा - जालन्यात टॅक्सी थेट विहिरीत कोसळली; 7 भाविक ठार; काळजाचा थरकाप उडवणारे PHOTOS
दरम्यान, या अपघातातील कारचा चालक पवन कैलास पाटील (वय 25 रा. सप्तशृंगी कॉलनी रामेश्वर कॉलनी मेहरूण जळगाव) हा नवशिक्या असल्याचे समोर आले आहे. अपघात झाल्यावर त्यास पकडून नागरिकांनी जागेवरच चांगला चोप दिला. त्यानंतर त्याला घटनास्थळी आलेल्या एमआयडीसी पोलिसांच्या स्वाधिन करण्यात आले.