Jalna Accident : पंढरपूरवरुन येताना टॅक्सी थेट विहिरीत कोसळली; 7 भाविक ठार; काळजाचा थरकाप उडवणारे PHOTOS

प्रवासी वाहतूक करणारी काळी पिवळी टॅक्सी विहिरीत कोसळून सात जणांचा मृत्यू झाला आहे. जालना जिल्ह्यातल्या राजूर रोडवरील तुपेवाडी फाट्याजवळ ही घटना घडली.

दुचाकीला वाचवताना टॅक्सी थेट विहिरीत कोसळली. यात 12 प्रवासी होते जे की पंढरपूर याठिकाणाहून परतत होते.

जालन्याहून एका टॅक्सीने ते गावाकडे निघाले होते. मृतांमधील चनेगाव आणि तुपेवाडी याठिकाणचे हे रहिवासी होते. या घटनेनंतर पोलीस प्रशासन आणि अग्निशमन दलाकडून शोधकार्य सुरू आहे.

दरम्यान या घटनेची मुख्यमंत्र्यांनी दखल घेतली. यासंदर्भात जिल्हाधिकाऱ्यांनाही विचारना केली असून घटनेची चौकशी केल्यानंतर अपघात कसा झाला हे कळेल अशी माहिती जिल्हाधिकारी श्रीकृष्ण पांचाळ यांनी दिली.

ताराबाई मालुसरे, रा.तपोवन, नंदा तायडे, प्रल्हाद बिटले, नारायण किसन निहाळ, चंद्रभागा घुगे आणि प्रल्हाद महाजन (सर्व राहणार चनेगाव) असे मृत भाविकांची नावे आहेत.