मोठी बातमी! जळगावात तुफान दगडफेक, जोरदार राडा; पोलीस बंदोबस्त वाढवला

घटनेबाबत अधिक माहिती अशी की, जळगाव जिल्ह्यातल्या रावेर तालुक्यातील चिनावल गावात किरकोळ कारणावरून दगडफेक झाल्याची घटना समोर आली आहे. वीजपुरवठा खंडित करून ही दगडफेक करण्यात आल्याची माहिती आहे. सुदैवाने या घटनेत कोणालाही गंभीर दुखापत झाली नसली तरी मात्र दगडफेक करणाऱ्यांकडून अनेक वाहनांवर दगडफेक करण्यात आल्यानं वाहनांचे मोठे नुकसान झाले आहे.

advertisement

सदर घटनेनंतर ग्रामस्थांनी पोलीस चौकीसमोर ठिय्या मांडत दोषींवर कठोर कारवाई करण्याची मागणी केल.  पोलिसांनी दिलेल्या आश्वासनानंतर ग्रामस्थांनी ठिय्या आंदोलन मागे घेतले. सदर घटनेच्या पार्श्वभूमीवर चिनावल गावात दंगा पथकासह मोठा पोलीस बंदोबस्त तैनात करण्यात आला आहे. कायदा व सुव्यवस्था अबाधित राखण्यासाठी दोन दिवस गावात संचारबंदी देखील लागू करण्यात आली आहे.