TRENDING:
जालना शहरातील क्रीडा संकुल परिसरात 400 मीटर धावण्याचा अत्याधुनिक ट्रॅक तयार केला जात आहे. हा ट्रॅक अत्याधुनिक असेल. ट्रॅकसाठी 5 फूट खोल खोदकाम करून जीएसबी खडी आणि डांबरीकरणाचे दोन थर केले आहेत. या डांबराच्या थरावर कायम चिकटून राहण्यासाठी सिंथेटिक लिक्विड पृष्ठभाग असेल. ट्रॅक टिकण्यासाठी लंडनमधून पॉलिमरिक व पॉलियुरेथेन, रबरयुक्त डांबर मागवावे लागत असल्याचे जिल्हा क्रीडा अधिकारी संजय गाढवे यांनी सांगितले.
advertisement
मराठवाड्यातील अत्याधुनिक
पहिला ट्रॅक जालन्यात होत आहे. या ट्रॅकचे आतापर्यंत बहुतेक काम झाले आहे. नुकतीच या कामाची पुणे क्रीडा संचालनालयाचे अॅथलेटिक खेळाचे प्रशिक्षक सुरेंद्र काकड, महेश पाटील, सुरेंद्र मोदी यांनी पाहणी करून काम कसे सुरू आहे, याचा अहवाल दिला आहे. याचे काम त्रुटीविरहित सुरू असल्याचा अहवाल त्यांनी दिला आहे. याशिवाय, जिल्हाधिकारी डॉ. श्रीकृष्ण पांचाळ, जिल्हा क्रीडाधिकारी संजय गाढवे हेही काम कसे होत आहे, याची देखरेख करत आहेत.
इंग्लंडमधून मागविण्यात येणाऱ्या या पृष्ठभागावर जवळपास 4 कोटींचा खर्च होणार आहे. क्रीडा संकुलावर अशा प्रकारे धावण्यासाठी ट्रॅक आणि फुटबॉल मैदान होईल.
काय आहे सिंथेटिक लिक्विड?
धावण्यासाठी ट्रॅकला प्रिफॅब्रिकेटेड रबर ट्रॅक कार्ड लावावे लागतात. रबराइज्ड डांबर, पॉलिमरिक पद्धत निवडल्यास त्यासाठी सिंथेटिक कार्ड लिक्विडला ट्रॅकला जोडावे लागतात. या कार्डमध्ये एअरबॅग्जही असतात. हे कार्ड इन्स्टॉलेशन मशीनने ट्रॅकशी जोडावे लागतात. ट्रॅकला लावण्यात आलेले कार्ड अनेक वर्षे टिकेल. ही रचना धावपट्टीला उत्कृष्ट लवचिकता, कणखरता, शॉक शोषण प्रभावासह खेळाडूच्या स्नायूंचा थकवा, दुखापती कमी करण्यासाठी महत्त्वाची असते.