महाराष्ट्रात MIM ला मोठं यश, राज्यात जवळपास १०० उमेदवारांनी गुलाल उधळला, वाचा विजयी नगरसेवकांची यादी

बृहन्‍मुंबई महानगरपालिकेसह राज्यातील २९ महापालिकांच्या सार्वत्रिक निवडणूक २०२५– २६ अंतर्गत दिनांक १५ जानेवारी २०२६ झालेल्या मतदानाची मतमोजणी प्रक्रिया आज शुक्रवार १६ जानेवारी २०२६ रोजी सकाळी १० वाजेपासून सुरू आहे. आतापर्यंत मराठवाड्याच्या काही भागांपुरती सीमित असणारी एमआयएम पार्टीने आता मराठवाडा, विदर्भ, उत्तर महाराष्ट्र आणि मुंबईतही शिरकाव केला आहे.

राज्यातील महानगरपालिका निवडणुकांमध्ये दलित-मुस्लीम मते मिळविण्याचा एमआयएमचा प्रयत्न होता. मुस्लिम बहुल भागात एमआयएमने मुस्लिम प्रवर्गातील उमेदवार उभे करून विरोधकांची डोकेदुखी वाढवली. अनेक शहरातील मुस्लिम बहुल भागांत एमआयएम पक्षाचे नगरसेवक विजयी झाले आहेत. मराठवाड्यातील संभाजीनगर, नांदेड, जालना, विदर्भातील अकोला, नागपूर, अमरावती, चंद्रपूर तर उत्तर महाराष्ट्रात मालेगाव, धुळ्यातील मुस्लिम बहुल परिसरातील मतदारांनी एमआयएमच्या उमेदवारांना साथ दिली.

advertisement

मुंबईतील एमआयएमचे विजयी नगरसेवक

प्रभाग क्रमांक १३४- मेहजबिन खान - एमआयएम

प्रभाग क्रमांक १३६- जमीर कुरेशी - एमआयएम

प्रभाग क्रमांक १३७- समीर पटेल- एमआयएम

प्रभाग क्रमांक १३८- रोशन शेख- एमआयएम

प्रभाग क्रमांक १३९- शबाना शेख- एमआयएम

प्रभाग क्रमांक १४५- खैरुनिसा हुसेन- एमआयएम

कोणत्या महापालिकेत एमआयएमचे किती नगरसेवक निवडून आले?

संभाजीनगर महापालिका- २६

मालेगाव महापालिका- २०

सोलापूर महापालिका- ०८

धुळे महापालिका- ०८

नांदेड महापालिका- ०८

मुंबई महापालिका- ६

अमरावती महापालिका- ६

ठाणे महापालिका- ०५

नागपूर महापालिका- ०४

जालना महापालिका- ०२

चंद्रपूर महापालिका- ०१

अकोला महापालिका- ०३