TRENDING:
आगामी महानगरपालिका निवडणुकीच्या पार्श्वभूमीवर मिरज येथे उपमुख्यमंत्री अजित पवार यांच्या उपस्थितीत माजी महापौर आणि नगरसेवकांसह अनके कार्यकर्ते राष्ट्रवादीत प्रवेश केला. या वेळी अजित पवारांनी सांगलीच्या विकासावर भाषण केले. आगामी महापालिका निवडणुकांच्या संदर्भात कार्यकर्त्यांना सूचना देखील केली. हा कार्यक्रम संपल्यानंतर अजित पवार यांना कोकाटेंच्या जामिनासंदर्भात प्रश्न विचारसा असता दादांनी हाताने नाही नाही म्हणत माध्यमांना नकार देत कोल्हापूर कडे रवाना झाले.
advertisement
अजित पवार गाडीत बसले आणि क्षणात निघून गेले
अजित पवार हे सांगलीत पक्षप्रवेशाच्या कार्यक्रमासाठी आले होते. तेथे माध्यमांच्या प्रतिनिधींना त्यांनी बगल देऊन निघून गेले. त्यामुळे धडाकेबाज अजित पवार काहीही न बोलता निघून गेल्याने, अश्चर्य व्यक्त करण्यात येत आहे. अजित पवार कोकाटे यांच्या जामिनावर काय बोलणार याकडे सर्वांचे लक्ष लागले होते. कार्यक्रम झाल्यावर माध्यम प्रतिनिधी त्यांची वाट बघत होते कार्यक्रम संपल्यानंतर अजित पवार बाहेर आले. तेथे कॅमेरे आणि माध्यम प्रतिनिधींना पाहिले. ऐरवी माध्यमांशी सडेतोड बोलणारे अजित पवार थेट गाडीत बसले आणि क्षणात निघून गेले.
कोकाटेंच्या प्रश्नावर अजित पवार यांनी बोलणे टाळले
अजित पवार हे माणिकराव कोकाटे यांचा राजीनामा घेण्यास फारसे इच्छुक नव्हते. त्यांना उच्च न्यायालयाच्या निर्णयापर्यंत वाट पाहायची होती. मात्र, मुख्यमंत्री देवेंद्र फडणवीस यांनी कोकाटे यांच्यासारख्या कलंकित नेत्याला मंत्रिमंडळात ठेवण्यास विरोध केल्याने अजित पवार यांचा नाईलाज झाल्याने त्यांनी राजीनामा घेतल्याची चर्चा आहे. कोकाटेंच्या प्रश्नावर अजित पवार यांनी बोलणे टाळले असल्याची चर्चा आता रंगू लागली आहे..