नांदेड जिल्हयातील मुखेड तालुक्यातील चांडोळा गावात भरदिवसा मुख्य रस्त्यावर युवकांच्या दोन गटात तलवारी आणि खंजर ने मारहाण झाली. युवकांच्या हातात तलवारी आणि खंजर पहायला मिळाले. अवैध्य वाळू वाहतुकीवरून हा प्रकार घडल्याची माहिती आहे.
मोठी बातमी! नाशिकमध्ये शिवसेना शिंदे, ठाकरे गटामध्ये जोरदार राडा, Video
चांडोळा येथे काही युवकांनी एक हायवा ट्रक पकडला होता. हा ट्रक पकडण्यावरून वाद झाला. काही वेळाने एका गाडीमधून तलवारी आणि खंजर घेऊन काही युवक तिथे आले. या युवकांनी खुलेआम या शस्त्रांचा वापर केला. दोन्ही गटात झालेल्या मारहाणीत दोघांच्या हाताची बोटे तुटली तर एकाच्या डोक्यावर तलवार मारण्यात आली.
advertisement
दरम्यान, मारहाणीत 3 जण गंभीर जखमी झाले असून त्यांच्यावर मुखेड येथील शासकीय रुग्णालयात उपचार सुरू आहेत. दरम्यान या प्रकरणी दोन्ही गटाकडून पोलीस स्टेशनमध्ये तक्रार देण्यात येत आहे.