मोठी बातमी! नाशिकमध्ये शिवसेना शिंदे, ठाकरे गटामध्ये जोरदार राडा, Video

नाशिक शिक्षक मतदारसंघातून शिवसेना ठाकरे गटाकडून संदीप गुळवे यांना उमेदवारी देण्यात आली आहे. संदीप गुळवे हे आपला उमेदवारी अर्ज भरण्यासाठी कार्यकर्त्यांसोबत नाशिकच्या विभागीय आयुक्त कार्यालयात पोहोचले. याचदरम्यान शिवसेनेचे उमेदवार किशोर दराडे देखील या ठिकाणी दाखल झाले. किशोर दराडे यांच्यासोबत मंत्री दादा भूसे, माजी खासदार हेमंत गोडसे आणि विजय करंजकर हे देखील होते. यावेळी दोन्ही गट आमने-सामने आले. जोरदार घोषणाबाजी करण्यात आली. जोरदार राडा झाला.

संदीप गुळवे यांनी नुकताच काँग्रेसमधून शिवसेना ठाकरे गटात प्रवेश केला आहे. त्यानंतर त्यांना ठाकरे गटाकडून उमेदवारी देण्यात आली. तर दुसरीकडे किशोर दराडे यांनी शिवसेनेत पडलेल्या फुटीनंतर उद्धव ठाकरे यांना पाठिंबा दिला होता. मात्र आता त्यांनी शिवसेनेकडून आपला उमेदवारी अर्ज दाखल केला आहे. याचदरम्यान हा राडा झाला. यामुळे ही निवडणूक आता चांगलीच चर्चेत आली आहे.