TRENDING:

Nashik Shocking Incident : नाशिक हादरलं! 2 चिमुकल्यांसह आई-वडिलांचे मृतदेह राहत्या घरात आढळले; तपास सुरु

Last Updated:

Nashik Shocking Incident : नाशिकच्या एका परिसरात हृदयद्रावक घटना उघडकीस आली आहे. एका घरात पती-पत्नी आणि दोन चिमुकल्यांचे मृतदेह आढळून आले असून परिसरात भीतीचे वातावरण निर्माण झाले आहे.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
नाशिक : नाशिक जिल्ह्यातील देवळा तालुक्यात धक्कादायक आणि अंगावर शहारे आणणारी घटना समोर आली आहे. फुलेमाळवाडी परिसरातील एका राहत्या घरामध्ये तब्बल चार जणांचे मृतदेह आढळून आल्यानं संपूर्ण परिसरात खळबळ उडाली आहे. मृतांमध्ये पती-पत्नींसह दोन निरागस चिमुकल्यांचा समावेश आहे. इतक्या लहान मुलांचे मृतदेह घरात पडलेले पाहून गावकऱ्यांमध्ये शोककळा पसरली आहे.
News18
News18
advertisement

नेमकं काय घडलं असेल?

मिळालेल्या माहितीनुसार,पतीनं घरात दोरी बांधून आत्महत्या केल्याचा संशय आहे. मात्र याआधी त्याने पत्नी आणि मुलांची निर्घृण हत्या केल्याची शक्यता पोलिसांकडून व्यक्त केली जातेय. घरात जबरदस्ती किंवा घरफोडीचे कोणतेही चिन्ह नसल्याने हा प्रकार कौटुंबिक वादातून घडल्याचा अंदाज व्यक्त होत आहे. घरातील सर्व सदस्य मृत अवस्थेत सापडताच शेजाऱ्यांनी तत्काळ पोलिसांना माहिती दिली.

advertisement

घरात आई-वडिलांसह दोन चिमुकल्यांचे मृतदेह

घटनास्थळी पोहोचलेल्या पोलिसांनी पाहणी केली असता परिस्थिती अत्यंत भीषण होती. दोन छोट्या मुलांचे देह पाहून तपास पथकही हादरून गेले. सध्या ही हत्या आहे का आत्महत्या असल्याचा ठोस कारण देता येत नाहीय

या संपूर्ण घटनेचं नेमकं कारण काय, हा निर्णय पतीने कोणत्या मानसिक तणावात घेतला, की यामागे काही वेगळ काही दडलेला आहे का याची सखोल चौकशी सुरू आहे. पोलिसांनी घटनास्थळाचा पंचनामा करून मृतदेह शवविच्छेदनासाठी पाठवले आहेत. परिसरात मोठ्या प्रमाणावर लोकांची गर्दी झाली असून सर्वत्र हळहळ व्यक्त केली जात आहे.

advertisement

टॉप व्हिडीओज

सर्व पहा
Krushi Market: मक्याचे दर भुईसपाट! कांदा, सोयाबिनला रविवारी किती मिळाला भाव?
सर्व पहा

फुलेमाळवाडी सारख्या शांत गावात एकाच घरातील चार मृतदेह सापडण्याची घटना अत्यंत भयावह असल्याने जिल्ह्यात मोठी खळबळ माजली आहे. पोलिसांकडून पुढील तपास वेगाने सुरू असून लवकरच या प्रकरणाचे सत्य बाहेर येण्याची शक्यता आहे.

मराठी बातम्या/महाराष्ट्र/नाशिक/
Nashik Shocking Incident : नाशिक हादरलं! 2 चिमुकल्यांसह आई-वडिलांचे मृतदेह राहत्या घरात आढळले; तपास सुरु
बातम्या
फोटो
व्हिडिओ
लोकल