Palghar Nagar Parishad: पालघरमध्ये भाजपचं स्वप्न भंगलं, पालघरसह डहाणू नगरपरिषदेवर शिंदेसेनेचाच भगवा

पालघर जिल्ह्यात भाजपकडून मंत्री गणेश नाईक , खासदार हेमंत सावरा आणि जिल्हाध्यक्ष भरत राजपूत यांची प्रतिष्ठा पणाला लागली होती. तर दुसऱ्या बाजूला शिवसेना शिंदे गटाकडून एकनाथ शिंदे यांच्यासह माजी आमदार रवींद्र फाटक आणि जिल्हाप्रमुख कुंदन संखे यांची प्रतिष्ठा पणाला लागली होती . पालघर नगरपरिषद हा शिवसेनेचा बालेकिल्ला राहिला असला तरी शिवसेना पक्ष फुटीनंतर हा बालेकिल्ला भाजपने खेचण्याचा प्रयत्न केला.  जिल्ह्यामधील जव्हार आणि वाडा नगर परिषदेच्या नगराध्यक्षपदावर भाजपचे उमेदवार निवडून आले असले तरी महत्त्वपूर्ण मानल्या जाणाऱ्या डहाणू आणि पालघर नगरपरिषद भाजपच्या हातून निसटल्या आहेत. या दोन्ही नगरपरिषदांवर शिवसेनेने मोठ्या मताधिक्याने विजय प्राप्त केला आहे.

advertisement

पालघरमध्ये पक्षीय बलाबल काय आहे?

जव्हार नगरपरिषद  एकूण जागा 20

• भाजप 14
• शिवसेना शिंदे 2
• अजित पवार राष्ट्रवादी 3
• शरद पवार राष्ट्रवादी 1

पालघर नगर परिषद एकूण जागा 30

• शिवसेना शिंदे गट 19
• भाजप 8
• ठाकरे शिवसेना 3

वाडा नगरपंचायत एकूण जागा 17

advertisement
• भाजप 10
• शिवसेना शिंदे 3
• ठाकरेंची शिवसेना 1
• अजित पवार राष्ट्रवादी 1
• शरद पवार राष्ट्रवादी 1
• काँग्रेस 1

डहाणू नगर परिषद एकूण जागा 27

• भाजप. 17
• शिवसेना शिंदे 2
• राष्ट्रवादी शरद पवार 8