मिळालेल्या माहितीनुसार, ठाणे जिल्ह्यातील मुंब्रा परिसरातील एम एम व्हॅली या ठिकाणी ग्राहकाने चिकनची ऑर्डर ऑनलाइनरित्या blinkit वर दिली होती. blinkit नावाच्या ऑनलाईन सेवेद्वारे ही ऑर्डर करण्यात आली होती. मागवलेल्या ऑनलाईन पदार्थांमध्ये संबंधित ग्राहकाला संशय आल्यानंतर त्याने संबंधित blinkit च्या गोडाऊनमध्ये जाऊन या सदर प्रॉडक्ट विषयी जाब विचारणा केली.
सदर ग्राहकाला या ऑर्डर केलेल्या चिकनमध्ये डुक्कराचं मांस असल्याचा संशय आला. यासंदर्भात blinkit च्या गोडाऊनमध्ये जाऊन सदर ऑनलाईन सेवा पुरवणाऱ्या कर्मचाऱ्यांना याबाबत त्यांनी जाब विचारणा केली. त्यावेळी सदर कर्मचाऱ्याला देखील आपण कोणतं प्रॉडक्ट सेल करतो, याची कोणतीही पूर्वकल्पना नव्हती. त्यामुळे जमलेल्या जमावाकडून गोडाऊनची तोडफोड करण्यात आली.
advertisement
घटनेची माहिती मिळताच पोलिसांनी blinkit च्या गोडाऊनवर धाव घेतली. गोडाऊनवर मोठ्या संख्येनं जमाव जमला होता, पोलिसांनी जमावाला पांगवत परिस्थिती आटोक्यात आणण्याचा प्रयत्न केला.