याबाबत मिळालेल्या माहितीनुसार, मंडाळे ते चेंबूर (डायमंड गार्डन) या पहिल्या टप्प्यातील मार्गावर सीएमआरएस पथकाने 2 जुलै ते 4 जुलै या कालावधीत प्राथमिक तपासणी केली होती. त्यावेळी मेट्रो मार्गिकेच्या कामासंदर्भात काही सूचना देण्यात आल्या होत्या. आता कमिशनर ऑफ मेट्रो रेल सेफ्टी (सीएमआरएस) यांच्याकडून 3 ऑक्टोबर रोजी अंतिम तपासणी होण्याची शक्यता आहे. त्यामुळे सीएमआरएसकडून अंतिम सुरक्षा प्रमाणपत्र मिळताच हा मार्ग प्रवाशांच्या सेवेत दाखल होणार आहे.
advertisement
Pune Weather: पुढील 24 तास धोक्याचे, पश्चिम महाराष्ट्रात मुसळधार पाऊस कोसळणार, 3 जिल्ह्यांना अलर्ट
डीएननगर ते मंडाळे मेट्रो 2ब मार्गिका 23.6 किलोमीटर लांबीची असून, त्यावर एकूण 19 स्टेशन्स आहेत. या मार्गिकेसाठी सुमारे 10,986 कोटी रुपयांचा खर्च अपेक्षित आहे. यात पहिल्या टप्प्यात मंडाळे ते डायमंड गार्डन मेट्रो 2 ब चेंबूर या 5.3 किलोमीटर लांबीच्या मार्गावर मेट्रो सेवा सुरू होणार आहे. या मार्गाचं लोकार्पण पंतप्रधान नरेंद्र मोदी यांच्या हस्ते 8 ऑक्टोबरला केलं जाणार आहे.
पहिल्या टप्प्यातली मेट्रो स्टेशन्स: मंडाळे, मानखुर्द, बीएसएनएल, शिवाजी चौक, डायमंड गार्डन, चेंबूर