TRENDING:
नेमकं काय घडलं?
अजित पवार यांना अखेरचा निरोप देण्यासाठी पार्थिव चितेवर ठेवण्यात आलं. नियमाप्रमाणे पोलिसांकडून शासकीय मानवंदना आणि हवेत तीन राऊंड फायर करून सलामी देण्याची प्रक्रिया सुरू होती. पहिल्या राऊंडचा फायर व्यवस्थित झाला. मात्र, दुसरा राऊंड फायर करताना पहिल्या रांगेतील एका पोलिसाची बंदूक अडकली आणि त्यातून चुकीच्या दिशेने 'मिसफायर' झालं.
advertisement
अमित शाह अन् मुख्यमंत्र्यांपासून हाकेच्या अंतरावर घटना
हा प्रकार घडला तेव्हा समोरच केंद्रीय गृहमंत्री अमित शाह, मुख्यमंत्री देवेंद्र फडणवीस, उपमुख्यमंत्री एकनाथ शिंदे, शरद पवार आणि राज्य मंत्रिमंडळातील दिग्गज नेते उपस्थित होते. अजित पवार यांचे पुत्र पार्थ आणि जय पवार हे पार्थिवाला मुखाग्नी देत असतानाच हा प्रकार घडला. सुदैवाने, बंदुकीतून सुटलेली गोळी कोणालाही लागली नाही आणि मोठा अनर्थ टळला. मात्र, अशा अत्यंत संवेदनशील प्रसंगी झालेल्या या चुकीमुळे अनेक प्रश्नचिन्ह उपस्थित केले जात आहेत.
व्हिडीओ सोशल मीडियावर व्हायरल
या घटनेचा व्हिडीओ सध्या सोशल मीडियावर वाऱ्यासारखा पसरला आहे. त्यामध्ये स्पष्टपणे दिसते की, बंदूक चालवताना पोलीस कर्मचाऱ्याचा ताबा सुटला आणि गोळी भलतीकडेच फायर झाली. या घटनेनंतर काही काळ परिसरात गोंधळाचे वातावरण निर्माण झाले होते. सुरक्षेतील ही गंभीर चूक मानली जात असून, संबंधित पोलीस कर्मचाऱ्यावर किंवा तुकडीवर काय कारवाई होणार, याकडे सर्वांचे लक्ष लागलं आहे.