TRENDING:

बर्थडे सेलिब्रेशनआधी नियतीचा क्रूर खेळ! आजोबांच्या डोळ्यादेखत 4 वर्षांच्या प्रणवचा तडफडून मृत्यू

Last Updated:

नांदेडच्या नवीन कौठा भागात भरधाव हायवाने दिलेल्या धडकेत प्रवण आचार्य या ४ वर्षांच्या मुलाचा मृत्यू झाला. राजेश भुतके जखमी. पोलिसांनी हायवा चालकाला ताब्यात घेतले.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
नांदेड: अवघ्या चार वर्षांच्या प्रणव आचार्य या चिमुकल्याचा आज पाचवा वाढदिवस होता! आज बर्थडेचा केक कापला जाणार होता, घरात सेलिब्रेशनची धूम असणार होती. पण नियतीच्या मनात काहीतरी वेगळंच होतं. वाढदिवसाच्या आदल्या दिवशी प्रणवचा मृतदेह घरी आला. आजोबांच्या डोळ्यादेखत चार वर्षांच्या प्रणवचा तडफडून मृत्यू झाला. सेलिब्रेशनच्या जागी आचार्य आणि भुतके कुटुंबावर दु:खाचा डोंगर कोसळला.
News18
News18
advertisement

ज्या चिमुकल्याच्या पाचव्या वाढदिवसाची तयारी मोठ्या उत्साहात सुरू होती, त्याच कुटुंबावर आता नियतीने दुःखाचा डोंगर कोसळला आहे. वाढदिवसाच्या फक्त एक दिवस आधी, नांदेडमधील नवीन कौठा भागात एका भरधाव हायवाने धडक दिल्याने ४ वर्षांच्या प्रवण आचार्य या चिमुकल्याचा जागीच मृत्यू झाला. आज, शनिवारी त्याचा पाचवा वाढदिवस कुटुंबाला मोठ्या थाटामाटात साजरा करायचा होता, पण त्याआधीच काळाने क्रूर घात केला.

advertisement

वाढदिवसाआधीच काळाचा घाला

मिळालेल्या माहितीनुसार, नांदेडमधील नवीन कौठा भागातील पीव्हीआरसमोर आजोबा राजेश भुतके आपल्या लाडक्या नातवाला प्रवण आचार्य याला सकाळी फिरायला घेऊन आले होते. कृषीनगरमध्ये राहणारे भुतके कुटुंब दोन दिवसांपूर्वीच मुलीसह नातवाच्या स्वागतासाठी सज्ज होते. पीव्हीआरकडून घराच्या दिशेने जात असतानाच मागून आलेल्या एका रिकाम्या हायवाने दोघांना जोरदार धडक दिली.

या हृदयद्रावक धडकेत चार वर्षीय प्रवणच्या डोक्याला गंभीर मार लागल्याने त्याचा जागीच मृत्यू झाला. डोळ्यांदेखत घडलेल्या या दुर्घटनेने आजोबा राजेश भुतके यांनाही दुखापत झाली आहे. त्यांना विष्णूपुरी येथील शासकीय रुग्णालयात उपचारासाठी दाखल करण्यात आले आहे. त्यांच्या मनावर नातवाच्या मृत्यूचा जो आघात झाला आहे, त्याची वेदना शब्दांत व्यक्त करणे कठीण आहे.

advertisement

राजेश भुतके हे कृषीनगरमध्ये राहतात. दोन दिवसांपूर्वी त्यांची मुलगी माहेरी आली होती. आज प्रणवचा वाढदिवस साजरा करायचा होता. मात्र वाढदिवसाच्या आदल्यादिवशीच प्रणवचा अपघाती मृत्यू झाल्याने भुतके आणि आचार्य कुटुंबावर दु:खाचा डोंकर कोसळला आहे.

संतप्त नागरिकांचा रास्ता रोको

अपघात इतका भीषण होता की, प्रवण आचार्यचा जागीच मृत्यू झाल्याने आचार्य आणि भुतके कुटुंबावर दुःखाचा डोंगर कोसळला. हा प्रकार पाहताच परिसरात एकच हळहळ व्यक्त झाली. संतप्त झालेल्या स्थानिक नागरिकांनी घटनास्थळी धाव घेतली आणि हायवा चालकाला पकडण्याचा प्रयत्न केला. मात्र, चालकाने गाडी सोडून तिथून पळ काढला. या घटनेची माहिती पोलिसांना देण्यात आली. यानंतर काही काळ लोकांनी रास्ता रोको देखील केला होता.

advertisement

टॉप व्हिडीओज

सर्व पहा
चिमुकल्याची कमाल! 2 मिनिटांत ओळखले 45 कार ब्रँड्स, बुक ऑफ रेकॉर्ड्समध्ये नोंद
सर्व पहा

पोलिसांच्या मध्यस्तीनंतर हा रास्ता रोको मागे घेण्यात आला. पोलिसांनी हायवा चालकाला ताब्यात घेतलं असून त्याच्यावर गुन्हा दाखल केला. नांदेड-जालना समृद्धी महामार्गाच्या कामासाठी आलेल्या चालकाविरोधात प्रचंड संताप व्यक्त केला. पोलिसांनी वेळीच मध्यस्थी करून परिस्थिती नियंत्रणात आणली. पोलिसांनी पळून गेलेल्या हायवा चालकाला ताब्यात घेतले असून, त्याच्यावर गुन्हा दाखल केला आहे.

मराठी बातम्या/महाराष्ट्र/
बर्थडे सेलिब्रेशनआधी नियतीचा क्रूर खेळ! आजोबांच्या डोळ्यादेखत 4 वर्षांच्या प्रणवचा तडफडून मृत्यू
बातम्या
फोटो
व्हिडिओ
लोकल