रोहित पवार काय म्हणाले?
महाराष्ट्र सरकारची थिंक टँक असलेल्या मित्रा (MITRA) च्या मानद सल्लागारपदी अनिश दमानिया यांची नेमणूक झाल्याबद्दल अभिनंदन..! एकीकडे भ्रष्टाचाराची प्रकरणे काढून अंजली दमानिया ताई ‘सामाजिक’ क्षेत्रात योगदान देत आहेत आता अनिशजी यांचे ‘आर्थिक विकासाच्या’ क्षेत्रात सरकारला मार्गदर्शन लाभणार आहे. दमानिया कुटुंबाचे आर्थिक आणि सामाजिक क्षेत्रातले एकीकरण निश्चितच महत्वपूर्ण राहील. पुनश्च एकदा अभिनंदन आणि शुभेच्छा..! असे रोहित पवार ट्विट करून म्हणाले.
advertisement
अंजली दमानिया यांचे रोहित पवार यांना उत्तर
ह्या ट्विटबद्दल, मला आत्ता काही पत्रकारांचे फोन आले. तो पर्यंत मी हे ट्विट वाचलं नव्हत. रोहित पवारांचे ट्विट खोचक आहे असे पत्रकार म्हणत होते. पण मी ते ट्विट वाचल्यावर मला तितकेस वाईट वाटले नाही. हे तर अपेक्षित होते. अनिश, हा त्याच्या ऑफिसमधील तिसरा असा व्यक्ती आहे, जो FICCI चा सभासद झाला. म्हणून त्याला MITRA वर मानद सल्लागार म्हणून घेतला आहे. ह्या रोलसाठी तो दिड दमडी घेणार नाहीये. त्याला ना राजकारणाशी घेणं देणं, ना सरकार शी. माझ्यासारखं त्यालाही देशाला पुढे नेण्यासाठी आपले योगदान द्यायचं आहे, तो ते ह्या स्वरूपात देतोय.
ही बातमी त्याने Linkedin आणि facebook वर स्वतःच शेअर केली, ती मी देखील माझ्या फेसबुकवर शेअर केली. त्यात लपविण्यासारखे काहीच नाही, मला तर त्याचा खूप अभिमान आहे, असे अंजली दमानिया म्हणाल्या.