TRENDING:

मालकाच्या लेकाने दादांना आव्हान दिले, सदाभाऊंचा फुल्ल सपोर्ट, रक्त काढल्याशिवाय म्यानात जायचं नाही!

Last Updated:

मोहोळ नगराध्यक्षपदाच्या उमेदवाराच्या प्रचारार्थ सदाभाऊ खोत यांची शुक्रवारी मोहोळ सोलापूर येथे जाहीर सभा झाली.

impactshort
इम्पॅक्ट शॉटतुमचा गेटवे लेटेस्ट न्यूज
advertisement
प्रीतम पंडित, प्रतिनिधी, सोलापूर : राज्याचे उपमुख्यमंत्री अजित पवार यांना आव्हान दिलेल्या बाळराजे पाटील यांचे जाहीर अभिनंदन भाजप आमदार सदाभाऊ खोत यांनी दिले. तुमचा लढण्याचा स्वभाव आहे. म्यानातून तलवार काढल्यावर, तिला रक्त काढल्याशिवाय म्यानात जात नाही, असे सांगून अंगावर आले तर शिंगावर घ्यायचेच, असा सल्ला सदाभाऊ खोत यांनी दिला.
अजित पवार-सदाभाऊ खोत
अजित पवार-सदाभाऊ खोत
advertisement

मोहोळ नगराध्यक्षपदाच्या उमेदवाराच्या प्रचारार्थ सदाभाऊ खोत यांची शुक्रवारी मोहोळ सोलापूर येथे जाहीर सभा झाली. या सभेत त्यांनी राजन पाटील आणि त्यांचे चिरंजीव बाळराजे पाटील यांचे जाहीर अभिनंदन केले. सदाभाऊ खोत यांनी अजित पवार यांचे नाव न घेता त्यांना भिडण्याचाच सल्ला पाटील बापलेकाला दिला.

अजितदादांना आव्हान, सदाभाऊ खोत यांनी केले बाळराजे पाटलांचं समर्थन

advertisement

विजयाची पहिली सलामी ही अनगरने दिली. तुमच्या मुलाने कोणाला तरी चॅलेंज दिले मला बरे वाटले. त्यामुळे आले अंगावर तर घ्यायचे शिंगावर हा बाणा कायम ठेवा. राजन मालक तुमचा स्वभाव लढण्याचा आहे. तुमच्या मुलाचे मी जाहीर अभिनंदन करतो, कारण माझा पण आयुष्य वाऱ्यावर दगड मारण्यात गेले. आव्हान द्यायला मला जोडीदार मिळाला. म्यानातून तलवार काढल्यावर त्याला रक्त काढल्याशिवाय तलवार म्यानात ठेवायची नाही, असे सदाभाऊ खोत म्हणाले.

advertisement

निवडणुकीमध्ये ज्यावेळी विजय मिळतो, त्यावेळी जिंकलेला योद्धा हा आनंदाने गर्जत असतो. 'नाद करा पण आमचा करू नका' हे म्हणायला का कोणाचे परमिशन काढावे लागती? त्यामुळे मला वाटत तो आनंदउत्सव असतो आणि तो सगळेच साजरा करतात. याचा कोणाला का राग यावा, कारण विजयाच्या धुंदीमध्ये सर्वच नाचत असतात, असे समर्थन करताना सदाभाऊ खोत म्हणाले.

advertisement

कुणाचाही नाद करा पण अनगरकरांचा नाद करायचा नाही....

टॉप व्हिडीओज

सर्व पहा
चिमुकल्याची कमाल! 2 मिनिटांत ओळखले 45 कार ब्रँड्स, बुक ऑफ रेकॉर्ड्समध्ये नोंद
सर्व पहा

अनगर नगर पंचायत निवडणुकीत राष्ट्रवादीच्या उमेदवार उज्ज्वला थिटे यांचा अर्ज बाद झाल्यानंतर बाळराजे पाटील यांनी जल्लोष साजरा केला. एका अर्थी त्यांच्या वहिनी प्राजक्ता पाटील यांच्या नगराध्यक्षपदासाठी वाट मोकळी झाली होती. त्यानंतर केलेल्या जल्लोषावेळी अजित पवार, कुणाचाही नाद करा पण अनगरकरांचा नाद करायचा नाही, असे म्हणत बाळराजे पाटील यांनी अजित पवार यांना आव्हान दिले होते. बाळराजे पाटील हे अजित पवार यांना आव्हान देत असल्याचा व्हिडीओ समाज माध्यमांवर जोरदार व्हायरल झाला आहे.

advertisement

मराठी बातम्या/महाराष्ट्र/
मालकाच्या लेकाने दादांना आव्हान दिले, सदाभाऊंचा फुल्ल सपोर्ट, रक्त काढल्याशिवाय म्यानात जायचं नाही!
बातम्या
फोटो
व्हिडिओ
लोकल